Да вясны плануецца завяршыць будаўніцтва адзінай велапешаходнай дарожкі на тэрыторыі Ждановіцкага сельсавета пад Мінскам. Цяпер ад Чыжоўскага вадасховішча да Заслаўскага можна будзе даехаць не толькі на аўтамабілі, але і на ровары, піша pristalica.by.
Старшыня Ждановіцкага сельвыканкама Дзмітрый Атрашонак паведаміў, што новы маршрут аб’яднае некалькі буйных веладарожак. Раней веладарожка вяла толькі да Ждановічаў, а цяпер працягнецца да аўтамабільнага моста на 41‑м кіламетры МКАД, што дазволіць зручна даехаць да аквапарка «Лебядзіны». Адтуль можна будзе працягнуць шлях да самага Заслаўскага вадасховішча.
Паводле слоў Яўгена Казлоўскага, прадстаўніка падрадчыка ДУП «Мінскае ПМБ», веладарожка працягнецца да пляжа №5. Яе даўжыня складзе каля 2,43 кіламетра, а шырыня будзе вагацца ад 3 да 4,5 метра. Дарожку выкладуць тратуарнай пліткай, паставяць асвятленне, а таксама абсталююць шэсць зон адпачынку з веластаянкамі і лаўкамі.
Будаўнікі ўжо працуюць на асноўных участках — ад вуліцы Паркавай у Ждановічах, уздоўж вуліцы Палявой і дарогі Н9089. Таксама ўпарадкуюць тэрыторыю каля вадасховішча «Дразды» — уздоўж пляжа і дзіцячай пляцоўкі. Для зручнасці руху ўжо падрыхтаваная новая схема арганізацыі дарожнага руху.
Цяпер чытаюць
Лукашэнка нервова пракаментаваў візіт Ціханоўскай у Кіеў45
Каментары