Беларуская чыгунка папярэдзіла пра адмену некаторых цягнікоў і запуск аўтобусаў 12—13 лістапада. Гэта звязана з планавым рамонтам чыгуначнага моста на ўчастку Пухавічы — Талька, таму паездка з Мінска ў бок Гомеля можа заняць больш часу і патрабаваць перасадак.
Фота ілюстрацыйнае
Паводле паведамлення Беларускай чыгункі, 12 лістапада будуць адмененыя наступныя цягнікі:
- Мінск — Гомель (бізнэс-клас): №№ 708/707, 748/715, 716/739, 758/757, 755/752;
- Мінск — Мазыр: №№ 874/876, 876/875;
- Мінск — Магілёў: № 742/741.
У якасці альтэрнатывы пасажырам прапануюць новыя скарочаныя маршруты, а некаторыя накіроўваюцца ў аб'езд:
- Мінск — Гомель: дадатковыя цягнікі № 642/641 і № 621 пойдуць праз Жлобін і Магілёў;
- Мінск — Магілёў: цягнік № 744/745 будзе рухацца праз Оршу;
- Мазыр — Асіповічы: цягнікі №№ 876/875 і 874/873 будуць хадзіць толькі да Асіповіч і назад;
- Гомель — Асіповічы: асобныя цягнікі №№ 885/886, 883/884, 881/882, 887/888 для пасажыраў.
Акрамя таго, пасажырам рэгіянальных ліній эканом-класа на ўчастку Мінск — Асіповічы прыйдзецца перасаджвацца на аўтобусы паміж станцыямі Талька і Пухавічы. Квіток на цягнік будзе дзейнічаць і для гэтага аўтатранспарту.
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2525
Каментары