У аднаго з мужчын, якія суправаджалі Анджаліну Джалі ва Украіне, узніклі праблемы з ваенкаматам
4 лістапада падчас праверкі на блокпасце каля горада Паўднёваўкраінск ў Мікалаеўскай вобласці работнікі тэрытарыяльнага цэнтра камплектавання (гэты орган ва Украіне адказвае за мабілізацыю) і паліцэйскія высветлілі, што ў кіроўцы са складу групы галівудскай актрысы, грамадзяніна Украіны П. 1992 года нараджэння, адсутнічаюць вайскова-ўліковыя дакументы, піша агенцтва УНІАН са спасылкай на крыніцы ў Сухапутных войсках Украіны.
Мужчыну правялі ў тэрытарыяльны цэнтр камплектавання (ТЦК) для высвятлення статусу ваеннаабавязанага. У ходзе праверкі высветлілася, што грамадзянін з'яўляецца афіцэрам запасу, а пацверджаных падстаў для адтэрміноўкі ад мабілізацыі не мае.
Мужчына ў якасці кіроўцы знаходзіўся ў складзе групы, якая суправаджала актрысу Анджаліну Джалі. На момант высвятлення ўсіх абставінаў гэтая група знаходзілася побач.
Калі былі ўстаноўленыя ўсе абставіны, актрыса працягнула свой запланаваны шлях далей. Паведамляецца, што ні яна сама, ні яе прадстаўнікі не ўплывалі на працу супрацоўнікаў ТЦК.
Цяпер П. рыхтуецца да вайсковай службы па мабілізацыі.
У той жа час іншыя крыніцы сцвярджаюць, што П. на самай справе не было ў афіцыйным складзе каманды, якая суправаджала Джалі. Іншыя пішуць, што ён быў не кіроўцам, а ахоўнікам.
Пра наведванне знакамітай галівудскай актрысай Анжалінай Джалі прыфрантавога Херсона стала вядома сёння. Паводле папярэдніх звестак, актрыса прыехала ў гэты горад у рамках праграмы дабрачыннай дапамогі. Яна наведала мясцовыя медыцынскія ўстановы.
Цяпер чытаюць
Лукашэнка назваў патрабаванні і прэтэнзіі да Літвы: альтэрнатыўны ўрад, харугвы, порт, машыны для Зімбабвэ, санаторый39
Лукашэнка назваў патрабаванні і прэтэнзіі да Літвы: альтэрнатыўны ўрад, харугвы, порт, машыны для Зімбабвэ, санаторый
«Быў галодны, як з Асвенціма, не еў ні мяса, ні гародніны». Што вядома пра смерць бабруйскага журналіста, на якога завялі крымінальную справу ў Польшчы2424
Каментары