Адна з беларусак, пацярпелых падчас ДТЗ у Тайландзе, у цяжкім стане
Раней паведамлялася, што ў ДТЗ з аўтобусам у Тайландзе пацярпелі шэсць расіян і пяць беларусаў. У консульскім аддзеле пасольства Расіі ў Тайландзе «РИА Новости» расказалі, што ДТЗ адбылося 6 лістапада, піша БелТА.
«Пацярпелі шэсць расіян і пяць грамадзян Рэспублікі Беларусь. У дзесяці чалавек былі лёгкія траўмы і ўдары. Яны выпісаліся з бальніцы адразу пасля аказання меддапамогі і ўжо знаходзяцца ў Патаі. Адна грамадзянка Беларусі атрымала больш цяжкія траўмы. Яна ўсё яшчэ ў бальніцы», — паведамілі расійскія дыпламаты.
«У нашым аддзяленні знаходзіцца ў цяжкім стане адна жанчына, грамадзянка Беларусі, пацярпелая ў ДТЗ на тэрыторыі гатэлю. Пацыентка атрымала пры аварыі пашкоджанні ўнутраных органаў, але яна ў прытомнасці і не падключаная ні да якой апаратуры жыццезабеспячэння, яе стан стабільна цяжкі», — паведамілі агенцтву «РИА Новости» ў аддзяленні інтэнсіўнай тэрапіі бальніцы правінцыі Канчанабуры.
Раней аддзел турыстычнай паліцыі Тайланда ў правінцыі Канчанабуры паведамляў у сваіх акаўнтах у сацсетках пра ДТЗ з мікрааўтобусам унутрыгатэльных перавозак на тэрыторыі аднаго з гатэляў, размешчаных паблізу нацыянальнага парку і вадаспаду Сай Ёк, у якім пацярпелі 11 чалавек, удакладняючы, што тыя з іх, каму спатрэбілася стацыянарная медыцынская дапамога, былі дастаўленыя ў бальніцу.
Рэгіён нацыянальнага парку і вадаспаду Сай Ёк заўсёды ўваходзіць у праграму экскурсіі на горную раку Квай у правінцыі Канчанабуры, папулярнай у турыстаў. Большасць такіх двух-трохдзённых экскурсій адпраўляецца з курортнага гораду Патая.
Цяпер чытаюць
Беларусы горача спрачаюцца, ці варта прывязваць дапамогу на дзіця да заробку маці24
Беларусы горача спрачаюцца, ці варта прывязваць дапамогу на дзіця да заробку маці
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1313
Каментары