Трамп: У нас ёсць план, Зяленскаму ў пэўны момант давядзецца нешта прыняць
Прэзідэнт ЗША з нагоды сустрэчы ў Авальным кабінеце з абраным мэрам Нью-Ёрка Зохранам Мамдані адказаў на пытанні журналістаў.
Некалькі пытанняў датычыліся амерыканскага плана з 28 пунктаў, закліканага спыніць вайну ва Украіне, але цаной вялікіх саступак на карысць Расі, піша Бі-бі-сі.
«У нас ёсць план», — пацвердзіў Трамп. «Мы думаем, што ў нас ёсць спосаб дасягнуць міру. Яму [прэзідэнту Украіны Уладзіміру Зяленскаму] давядзецца яго ўхваліць», — дадаў ён.
Адказваючы на іншае пытанне пра выбар, які стаіць перад Зяленскім, Трамп сказаў: «Гэта павінна яму спадабацца, а калі не спадабаецца, то ведаеце, няхай яны працягваюць ваяваць. У пэўны момант яму давядзецца нешта прыняць».
Група амерыканскіх генералаў, верагодна, вылеціць у Маскву ў канцы наступнага тыдня, каб абмеркаваць распрацаваны Вашынгтонам «мірны план» з Крамлём, піша брытанская Guardian са спасылкай на крыніцы ў ЗША.
Тым часам у суботу лідары «Вялікай сямёркі» і іншыя краіны «Вялікай дваццаткі» абмяркуюць распрацаваны ЗША план на палях двухдзённага саміту G20 у Ёханэсбургу, піша Guardian.
Кіраўнік дыпламатыі Еўрасаюза Кая Калас папярэдзіла, што мірнае пагадненне, якое заахвочвае ўварванне, створыць «вельмі небяспечны» глабальны прэцэдэнт.
«Калі вы проста паддасцеся агрэсіі, вы справакуеце новую агрэсію», — сказала яна, дадаўшы, што ў іншых краін па прыкладзе Расіі можа ўзнікнуць «апетыт» да суседніх тэрыторый.
28 пунктаў «мірнага плана» ЗША — поўны спіс
ЗША патрабуюць ад Украіны пагадзіцца на мірны план Уіткафа-Дзмітрыева да 27 лістапада
Трамп упэўнены, што Украіна хутка страціць Данбас. Але іншым трывожыцца няма чаго
«Альбо страта годнасці, альбо рызыка страты ключавога партнёра». Зяленскі выступіў з драматычным зваротам да ўкраінскага народа
Джон Коўл прыедзе ў Беларусь 15 верасня. Лукашэнка, аднак папярэдзіў: «вялікай здзелкі» не будзе10
Каментары