На пэўных маршрутах пусцяць большыя аўтобусы, аўтапаркі абновяць і запусцяць новую сістэму куплі квіткоў анлайн.
Будучыя змены абмяркоўвалі на круглым стале ў Брэсце 19 лістапада, паведамляе «Рэспубліка».
Больш змяшчальныя аўтобусы і хуткасныя маршруты
На пэўных маршрутах, каб перавозіць больш пасажыраў, замест транспарту катэгорыі М2 збіраюцца пусціць больш змяшчальны транспарт катэгорыі М3 (аўтобусы М2 маюць масу да 5 тон, а М3 — звыш 5 тон і больш пасадачных месцаў).
Плануюць і хуткасныя аўтобусы.
Штогод прадугледжанае абнаўленне парку грамадскага транспарту не менш за 10 працэнтаў.
«У рамках гэтага абнаўлення мы пераважна купляем М3. Першая задача, якая цяпер абмяркоўваецца, — на доўгія адлегласці замяніць маршруткі рухомым саставам М3. Гэта больш камфортны, надзейны, бяспечны від транспарту», — адзначыў намеснік міністра транспарту і камунікацый Сяргей Дубіна.
Завяршыць абнаўленне плануюць да 2030 года.
Напрыклад, у Брэсцкай вобласці ў 2025‑м будзе закуплена больш за 100 адзінак рухомага саставу, аўтапарк Брэста ў тым ліку папаўняецца 15 тралейбусамі з павялічаным аўтаномным ходам.
Квіткі будуць прадаваць і ў касах, а не толькі анлайн
Білеты на рэйсы павінны прадавацца і ў касах аўтастанцый, а не толькі анлайн.
«Гэта прадугледжана ў правілах перавозак, але не ўсе перавозчыкі імі кіруюцца. Нам паскардзіліся, што на аўтавакзале Мінска нельга набыць білеты ў бок Магілёва. Чаму мы знішчаем білетныя тэрміналы?» — заўважыў дырэктар Магілёўскага абласнога цэнтра кіравання транспартам Ігар Мажароўскі.
Ён патлумачыў, у чым бачыць праблему цяперашняй сістэмы куплі квіткоў анлайн.
«Магілёў з Мінскам штодзённа звязваюць 120 рэйсаў, а таксама 40 рэйсаў ад мінскага аператара. Пры такой колькасці існуе праблема з'ехаць у нашым кірунку. Білеты на выхадныя браніруюцца з панядзелка — на пяць-шэсць рэйсаў, адзін у аднаго і гэтак далей. Потым не выкупляюцца. У выніку частка маршрутак ідзе ў рэйс з пустымі месцамі пры адсутнасці білетаў у продажы ўжо ў пачатку тыдня. Канкурэнтнасць цяпер не толькі на дарогах, але і ў інтэрнэце, трэба наводзіць парадак».
Плануецца, што ў Беларусі да 1 траўня 2027 года будзе створаная адзіная сістэма браніравання і продажу білетаў на аўтобусы і маршрутныя таксі.
Яна зробіць больш зручным працэс аплаты праезду, а таксама аб'яднае розныя аплатныя метады ў рамках адной платформы.
Транспарт да гарадоў-спадарожнікаў
Да гарадоў-спадарожнікаў жыхароў трэба будзе дастаўляць з інтэрвалам у 20—30 хвілін.
У Мінску праблема з недастатковай змяшчальнасцю аўтобусаў на такіх рэйсах.
З Брэста ў горад-спадарожнік Жабінку даехаць за гэты час можна: акрамя маршрутных таксі, ёсць гарадскі аўтобус і чыгунка.
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2525
Каментары