У сетцы мінскіх гіпермаркетаў заўважылі цэннікі ў расійскіх рублях
У вядомай сетцы мінскіх гіпермаркетаў «Гіпа» пакупнікі заўважылі цэннікі з пазначэннем валюты разліку як расійскія рублі. Пра гэта стала вядома дзякуючы беларускаму коміку Яўгену Буракевічу, які апублікаваў відэа з крамы ў сваім тыктоку, заўважыла BGMedia.
«Купіў толькі што памела ў «Гіпа», узважваў яго і крыху заблытаўся, у якіх гэта рублях мне выдала цэннік… Хто ведае, можа былі якія навіны?», — жартуе Буракевіч у роліку, паказваючы на квіток, дзе валюта пазначана як RUB.
Беларусы па-рознаму адрэагавалі на навіну. Некаторыя абурыліся: як такое ўвогуле магло адбыцца, калі блытаецца знак нацыянальнай валюты? Іншыя паставіліся да інцыдэнту з гумарам:
«Гэта пранк для расейцаў ад «Гіпа».
«Ужо і касы сюды перацягваюць з Расіі, поскудзі».
«Гэта ньюані».
У сетцы «Гіпа» сітуацыю пакуль публічна не каментавалі.
Памідоры па 30 рублёў і хатняя каўбаса па 55: што прадаюць на элітным рынку Валяр'янава
Блогерка правярае чысціню і якасць прадуктаў у мінскіх крамах. Падабаецца гэта не ўсім
Расійскі комік, які ездзіў на Данбас, даў канцэрт у Мінску і пахабна пажартаваў пра Купалу
Прыхільніцу Лукашэнкі абурылі цэны на яго партрэты. Людзі ёй адказалі
Каментары