Перамовы паміж Расіяй, Украінай і ЗША пройдуць у Абу-Дабі 10—11 лістапада
Сустрэча будзе прысвечаная «пасляваенным мерам бяспекі, дээскалацыі.
Перамовы паміж Расіяй, Украінай і ЗША пройдуць у Абу-Дабі 10—11 лістапада. Час і месца правядзення перамоваў паведаміў у сацыяльнай сетцы X спецыяльны пасланнік прэзідэнта ЗША Стыў Уіткаф, піша Бі-бі-сі.
Паводле яго слоў, сустрэча будзе прысвечаная «пасляваенным мерам бяспекі, дээскалацыі, гуманітарным намаганням і наступным крокам на шляху да міру».
Чакаецца, што на гэтым тыдні амерыканскія перамоўшчыкі сустрэнуцца ў Бруселі з прадстаўнікамі Францыі, Германіі, Вялікабрытаніі, ЕС і НАТА, каб абмеркаваць гарантыі бяспекі для Украіны, пасляваенную архітэктуру бяспекі Еўропы і эканамічныя магчымасці для падтрымкі аднаўлення Украіны, дадаў Уіткаф.
«Мы з нецярпеннем чакаем магчымасці развіць прагрэс, дасягнуты ў Кіеве, Осла і Санкт-Пецярбургу, на шляху да ўсёабдымнага і трывалага мірнага пагаднення, якое забяспечыць доўгатэрміновую бяспеку для будучых пакаленняў», — напісаў спецыяльны пасланнік Дональда Трампа.
У кастрычніку Уіткаф сустракаўся ў Осла з прэзідэнтам Украіны Уладзімірам Зяленскім, пасля чаго адправіўся ў Санкт-Пецярбург на перамовы з прэзідэнтам Расіі Уладзімірам Пуціным.
Апошнія перамовы паміж Расіяй і Украінай пры пасярэдніцтве ЗША адбыліся ў лютым гэтага года — перад пачаткам вайны ЗША і Ізраіля супраць Ірана.
Хто такая Алеся Пархоменка з Кіпра, якая развязала беларуска-беларускую вайну88
Хто такая Алеся Пархоменка з Кіпра, якая развязала беларуска-беларускую вайну
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары