У Каліфорніі на 97‑м годзе жыцця памёр вядомы амерыканскі архітэктар Фрэнк Геры. Пра гэта паведаміла The New York Times са спасылкай на яго прадстаўніцу Меган Лойд.
Фрэнк Геры нарадзіўся ў 1929 годзе ў Таронта ў сям’і польскіх эмігрантаў. Ён атрымаў адукацыю ў Універсітэце Паўднёвай Каліфорніі і Гарвардзе. З канца 1950‑х пачаў працаваць архітэктарам, а ў 1962 годзе адкрыў у Лос-Анджэлесе ўласнае бюро.
Геры лічыцца адным з найвыбітнейшых архітэктараў сучаснасці і адным з заснавальнікаў дэканструктывізму — стылю, які ламае традыцыйныя формы і стварае выразныя, незвычайныя аб’ёмы.
Ягоныя праекты вядомыя ва ўсім свеце. Сярод найбольш знакавых — «танцуючы дом» у Празе, Музей Гугенхайма ў Більбаа (1990-я), канцэртная зала імя Уолта Дыснея ў Лос-Анджэлесе (2000-я), Fondation Louis Vuitton у Парыжы і зала П’ера Булеза ў Берліне (2017). Гэтыя будынкі сталі архітэктурнымі сімваламі сваіх гарадоў і часта згадваюцца як узор смелага творчага мыслення.
У 1989 годзе Фрэнк Геры атрымаў Прыцкераўскую прэмію — найвышэйшую ўзнагароду ў свеце архітэктуры, якую нярэдка называюць «архітэктурным Нобелем».
Цяпер чытаюць
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца3
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2222
Каментары