Інстытут сучасных ведаў у Мінску пракаментаваў паступленне Таццяны Буланавай
«У Таццяны Іванаўны не будзе якіх-небудзь асаблівых прывілей як у знакамітай спявачкі», — сказаў першы прарэктар.
Папулярная ў 90‑я расійская спявачка Таццяна Буланава паступіла ў Інстытут сучасных ведаў імя Шырокава ў Мінску — найстарэйшую прыватную навучальную ўстанову Беларусі. Пра гэта артыстка расказала на чырвонай дарожцы XIII Народнай прэміі «Зоркі Дарожнага радыё».
56‑гадовая заслужаная артыстка Расіі расказала, што надумала атрымаць адукацыю, у тым ліку з жадання некалі стаць народнай артысткай.
Са слоў Буланавай, у прыватным універсітэце яна будзе вучыцца паводле індывідуальнага плану.
— Там вельмі цікавыя дысцыпліны. Псіхалогія, гісторыя мастацтваў, гісторыя жывапісу — мне сапраўды гэта вельмі падабаецца, я нават сяджу ў інтэрнэце і шмат чытаю розных артыкулаў.
Буланава дадала, што плануе рэгулярна прыязджаць у Мінск і сустракацца з выкладчыкамі. Цяпер яна ўжо атрымала студэнцкі білет і залічаная на першы курс спецыяльнасці «музычнае мастацтва эстрады».
Таццяна Буланава праславілася ў 90‑я дзякуючы хітам «Ясный мой свет», «Не плачь», «Мой сон». Апошнія месяцы яе імя зноў стала вірусным — галоўным чынам, праўда, дзякуючы мемным рухам артыстаў падтанцоўкі.
Некаторымі падрабязнасцямі пра паступленне вядомай студэнткі ў Інстытут сучасных ведаў падзяліўся з Onliner першы прарэктар універсітэта Уладзіслаў Кадыра:
— Таццяна Іванаўна стала студэнткай завочнай формы навучання: яна разам з іншымі навучэнцамі будзе здаваць сесіі двойчы на год. А паколькі замежныя абітурыенты падаюць дакументы восенню, для кожнага з іх распрацоўваецца індывідуальны вучэбны план, які дазволіць навярстаць прапушчанае.
Гэта значыць, што ў Таццяны Іванаўны не будзе якіх-небудзь асаблівых прывілей як у знакамітай спявачкі — вывучаць дысцыпліны і здаваць экзамены яна будзе як і ўсе. Паступала яна таксама на агульных умовах, падавала дакументы асабіста. Чаму выбрала менавіта наш універсітэт? Гэта ўжо трэба спытаць у самой заслужанай артысткі.
Першага намесніка гендырэктара «Белвеста» пасадзілі на тры з паловай гады за палітыку6
Першага намесніка гендырэктара «Белвеста» пасадзілі на тры з паловай гады за палітыку
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца1717
Каментары
Интересует история живописи, а поступила на эстрадное искусство, чтоб получить звание Заслуженной артистки