11 мая змяніўся лідэр у чэмпіянаце Польшчы па футболе (экстраліга).
Лідэр сезона кракаўская «Вісла» ў матчы-дэрбі згуляла ўнічыю з «Краковіяй» (1:1),
а познанскі «Лех» вырваў перамогу ў хожуўскага «Руха» - 2:1.
Прычым «Рух» спачатку павёў у ліку, потым Роберт Левандоўскі на 69-й хвіліне зраўняў лік,
а на 2-й дададзенай хвіліне другога тайма беларус Сяргей Крывец прынёс перамогу «Леху».
Клуб выйшаў на першае месца з 62 баламі. У «Віслы» -- 61. Апошні тур пройдзе 15 мая.
«Лех» згуляе дома з «Заглембе», а «Вісла» - з «Одрай». Пачатак матчаў а 18-й паводле беларускага часу.
Апошні раз «Лех» быў чэмпіёнам Польшчы ў 1993 годзе. У мінулым сезоне фінішаваў 3-м.
***
Найлепшы гулец чэмпіянату Беларусі 2009 года Сяргей Крывец прыйшоў у «Лех» з БАТЭ ў снежні, тады яго новы клуб пасля 16 тураў ішоў на 4-м месцы, на восем балаў адстаючы ад «Віслы».
Крывец у 12 матчах за «Лех» забіў тры галы.
Цяпер чытаюць
Аляксандр Лукашэнка так ляснуўся на лёд на хакеі, што трыбуны замерлі8
Аляксандр Лукашэнка так ляснуўся на лёд на хакеі, што трыбуны замерлі
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher55
Каментары