У Гродне знайшлі незвычайныя 500 еўра, на іх палююць калекцыянеры
У Гродзенскі міжраённы аддзел Дзяржаўнага камітэта судовых экспертыз паступілі дзве банкноты еўра па 500 еўра ўзору 2002 года, якія выклікалі сумненні ў сапраўднасці ў работніка банка.
Згодна з высновамі судовага эксперта, даследаваныя аб’екты сапраўдныя. Брак у вытворчасці купюр сустракаецца даволі рэдка. У 2021 годзе да судовых экспертаў на даследаванне трапілі бракаваныя еўра. На купюры наміналам 50 еўра, якую прынесла ў банк жыхарка Гродна, адсутнічала галаграмы. Як высветлілася, у ходзе вытворчасці купюры быў заводскі брак. Таксама не выключана версія таго, што галаграму акуратна выдалілі зламыснікі для наступнага вырабу падробкі, паведамляе Дзяржкамітэт судовых экспертыз.
У 2024 годзе аб’ектам даследавання былі 100 даляраў з бракам, дапушчаным пры вытворчасці.
Адметна, што такія «рэдкія банкноты» выклікаюць цікавасць у калекцыянераў.
Судовыя эксперты нагадваюць: калі ў вас узніклі сумневы адносна сапраўднасці таго ці іншага грашовага білета, ёсць магчымасць у прыватным парадку звярнуцца ў Дзяржаўны камітэт судовых экспертыз для правядзення адпаведнай экспертызы на платнай аснове.
Цяпер чытаюць
«Патрабавалі, каб я з калегамі пры дзецях па-беларуску не размаўляла». Ці сутыкаюцца беларускамоўныя з булінгам у краіне21
Каментары