На ўкраінскай Валыні суд асудзіў агента беларускага КДБ, які займаўся шпіянажам супраць украінскіх памежнікаў, на 15 гадоў пазбаўлення волі з канфіскацыяй маёмасці, піша «РБК-Украіна».
Як паведамляе пракуратура Валынскай вобласці, 25‑гадовы мужчына ў 2024 годзе пагадзіўся супрацоўнічаць з замежнай спецслужбай і на заданне беларускага КДБ фатаграфаваў і здымаў на відэа абарончую інфраструктуру побач з дзяржаўнай мяжой Украіны. Атрыманую інфармацыю ён перадаваў сваім куратарам і атрымліваў за гэта грашовую ўзнагароду на банкаўскую карту.
Акрамя здымкаў аб’ектаў у памежнай зоне, ён выконваў і іншыя заданні, дзейнічаючы схавана і канфідэнцыйна. Шпіёнская дзейнасць працягвалася да мая 2025 года.
Суд прызнаў мужчыну вінаватым у дзяржаўнай здрадзе ва ўмовах ваеннага становішча. Было даказана, што ягоныя дзеянні стваралі пагрозу абароназдольнасці Украіны падчас поўнамаштабнай вайны.
Прысуд вынесены паводле ч. 2 арт. 111 Крымінальнага кодэкса Украіны і набудзе законную сілу пасля заканчэння тэрмінаў на апеляцыю. На час следства абвінавачаны знаходзіўся пад вартай.
Цяпер чытаюць
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ26
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Каментары