Прэзідэнт ЗША Дональд Трамп раней заяўляў, што ў выпадку выканання смяротных прысудаў Вашынгтон адрэагуе «вельмі рашуча», намякаючы на магчымасць сілавога ўмяшання. Аднак 14 студзеня ён паведаміў, што, паводле наяўнай у яго інфармацыі, забойствы ў Іране спыніліся і масавых пакаранняў смерцю не плануецца. Таму рэакцыя ЗША куды больш мяккая, чым планавалася раней, піша Euronews.
ЗША абвясцілі пра ўвядзенне санкцый супраць іранскіх чыноўнікаў, якіх лічаць датычнымі да падаўлення пратэстаў, у тым ліку сакратара Вышэйшай рады нацыянальнай бяспекі Ірана Алі Ларыджані.
Санкцыі прадугледжваюць замарожванне актываў і забарону амерыканскім кампаніям весці з імі бізнэс. Акрамя таго, абмежаванні закрануць каля двух дзясяткаў асоб і кампаній, звязаных з нелегальнымі фінансавымі схемамі па продажы іранскай нафты і нафтапрадуктаў.
Раней іранскія ўлады заявілі, што не маюць намеру караць смерцю ўдзельнікаў пратэстаў, якія, паводле сведчанняў праваабаронцаў і СМІ, масава ўтрымліваюцца ў турмах па ўсёй краіне. Пра гэта ў інтэрв’ю журналістам паведаміў міністр замежных спраў Ірана Абас Аракчы. Судовыя органы таксама абверглі звесткі пра тое, што арыштаваны падчас пратэстаў Эрфан Салтані нібыта быў прысуджаны да смяротнага пакарання.
26‑гадовы Салтані зараз знаходзіцца ў зняволенні ў Караджы каля Тэгерана. Яму інкрымінуюць прапаганду супраць ісламскай сістэмы і пагрозу нацыянальнай бяспецы. Паводле заяў уладаў, такія абвінавачанні прадугледжваюць турэмны тэрмін, а не смерць.
Раней праваабарончыя арганізацыі сцвярджалі, што сям’ю Салтані праінфармавалі пра вынесены і нібыта зацверджаны смяротны прысуд, а справа разглядалася з парушэннем права на справядлівы суд і без доступу да абранага адваката.
Акрамя Салтані, пад вартай застаюцца больш за 10 тысяч удзельнікаў пратэстаў. Праваабаронцы з самага пачатку выступленняў папярэджвалі пра магчымасць масавых рэпрэсій і прымянення смяротных прысудаў, заклікаючы міжнародную супольнасць умяшацца. Паводле розных ацэнак, колькасць загінулых падчас антыўрадавых пратэстаў вагаецца ад некалькіх тысяч да 15 тысяч чалавек.
Як перадавала агенцтва AFP, Саудаўская Аравія, Аман і Катар угаварылі Трампа даць Тэгерану «другі шанец» і не наносіць удараў, папярэдзіўшы, што ваенная аперацыя можа сур’ёзна дэстабілізаваць нафтавыя рынкі.
Ад удару па Іране Трампа адгаварылі манархіі Персідскага заліва
Кронпрынц Ірана паабяцаў прызнаць Ізраіль і спыніць ядзерную праграму
Іран закрыў сваю паветраную прастору
ЗША могуць прымяніць сілу ў Іране на працягу 24 гадзін
Трамп абяцае падтрымку пратэстоўцам у Іране. Але ці ёсць у яго дастатковыя сілы?
Цяпер чытаюць
Што вядома пра затрыманых радыёаматараў, якім пагражае аж да расстрэлу8
Каментары
Только подставил иранцев, призывая их захватывать госучреждения, а в результате ноль поддержки.