У групе «Е» вызначыўся апошні ўдзельнік чвэрцьфіналу. Ім стала зборная Нямеччыны, якая ў вочнай спрэчцы перайграла 18 мая зборную Славакіі (галоўны трэнер – былы коўч зборнай Беларусі Глен Хэнлан) – 2:1.
Расія – 12 балаў (4 гульні), Фінляндыя – 9 (4), Нямеччына – 7 (5), Данія – 6 (5), Беларусь – 5 (5), Славакія – 3 (5).
У чвэрцьфінал выйшлі каманды Расіі, Фінляндыі, Нямеччыны і Даніі.
Славакі, нагадаем, на папярэднім этапе выйгралі ў Беларусі 4:2, саступаючы 0:2. Але ні Славакія, ні Беларусь -- сённяшняя і былая зборныя Глена Хэнлана -- не змаглі прабіцца ў плей-оф. Зборная Беларусі заняла 10-е месца на турніры, а Славакія падзяліла 11-12-е месцы з Латвіяй.
У 21:15 у нашай групе пройдзе заключны матч: Расія – Фінляндыя, які назаве каманду, што зойме ў групе 1-е месца і згуляе ў 1/4 фіналу са зборнай Канады, што заняла ў сваёй групе (F) 4-е месца.
Нагадаем, што на Алімпіядзе ў Ванкуверы канадцы разграмілі Расію 7:3, і цяпер хакеісты нашай усходняй суседкі прагнуць помсты.
Група F: Швецыя, Швейцарыя – па 9 (па 4 гульні), Чэхія – 9, Канада – 6, Нарвегія – 6, Латвія – 3.
Цяпер чытаюць
Мацкевіч: Ціханоўскую зняць, замяніць, пераабраць нельга. Не мучайцеся. Нельга — і ўсё28
Каментары