Жыхары Бабруйска заўважылі незвычайных суседзяў — сям'ю курапатак, якая атабарылася побач з прадпрыемствам «Белшына». Птушкі пасяліліся каля вытворчых карпусоў і ўжо паспелі стаць мясцовай славутасцю, піша мясцовае выданне «Шинник».
З-за таго, што курапаткі вольна перамяшчаюцца па тэрыторыі завода, перыядычна спрацоўвае сігналізацыя. Аднак работнікі ставяцца да нечаканых «гасцей» з разуменнем і нават з усмешкай.
Арнітолагі тлумачаць, што птушкі перабіраюцца ў горад найперш праз суровую зіму. Глыбокі снег і моцныя маразы ўскладняюць пошук корму ў прыродзе. У гарадскіх умовах іх прыцягвае так званае «тэхнагеннае цяпло» — побач з прадпрыемствамі лягчэй знайсці адкрытыя ўчасткі зямлі і, адпаведна, ежу. Акрамя таго, у горадзе менш натуральных ворагаў, напрыклад, лісаў, таму птушкі адчуваюць сябе ў большай бяспецы.
Мясцовыя жыхары ахвотна фатаграфуюць птушак і жартуюць, што гэта своеасаблівы народны прагноз надвор’я: паводле прыкмет, калі курапаткі трымаюцца бліжэй да людзей, значыць, зіма яшчэ не скончылася і можа паказаць свой характар.
Цяпер чытаюць
Мінчанка Ангеліна, якая выпрасіла ў Лукашэнкі кватэру за трайнят, упершыню паказала той падарунак16
Мінчанка Ангеліна, якая выпрасіла ў Лукашэнкі кватэру за трайнят, упершыню паказала той падарунак
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску6060
Каментары