Здарэнне адбылося падчас рамонту аўтамабіля.
69‑гадовы мужчына выпадкова зрабіў некалькі глыткоў антыфрызу, паведамляе Дзржкамітэт судовых экспертыз.
Гэта здарылася ўвечары. Ён не стаў звяртацца да дактароў, але на наступную раніцу адчуў сябе дрэнна: з’явіліся боль у жываце, дыхавіца, млоснасць, ваніты.
Вяскоўца даставілі ў бальніцу ў Магілёве. Нягледзячы на аказаную дапамогу, уратаваць яго не ўдалося. На пяты дзень ён памёр, знаходзячыся ў стане комы.
«Паводле вынікаў даследаванняў дзяржаўны судова-медыцынскі эксперт прыйшоў да высновы, што смерць наступіла ад вострай нырачнай недастатковасці, якая развілася ў выніку вострага пераральнага атручвання этыленгліколем», — паведамілі ў ДКСЭ.
Каментары