Стала вядома, як будзе выглядаць могільнік для радыеактыўных адкідаў у Беларусі
Беларуская арганізацыя па абыходжанні з радыеактыўнымі адкідамі (БелРАА) апублікавала відэа з канцэпцыяй і архітэктурнымі рашэннямі будучага пункта пахавання радыеактыўных адкідаў, хоць канчатковая пляцоўка для яго будаўніцтва пакуль не выбраная.
Разглядаюцца некалькі магчымых месцаў для размяшчэння могільніка адкідаў Беларускай АЭС: вёска Навасёлкі каля Хойнікаў, Мсціслаўскі раён Магілёўскай вобласці або Астравецкі раён Гродзенскай вобласці. Цяпер працягваецца працэс выбару канкрэтнай тэрыторыі.
Падчас працоўнай нарады з удзелам галоўных праектавальнікаў РУП «Белніпіэнергапрам» абмяркоўваліся архітэктурна-планіровачныя рашэнні і агульная канцэпцыя будучага аб’екта. У БелРАА адзначылі, што асноўная мэта — стварыць сховішча, якое цалкам ізалюе радыеактыўныя адходы ад навакольнага асяроддзя і будзе адпавядаць самым строгім міжнародным стандартам бяспекі. Разам з тым пакуль не паведамляюцца ключавыя параметры будучага комплексу.
Раней паведамлялася толькі, што плошча тэрыторыі сховішча складзе каля аднаго квадратнага кіламетра. На рэалізацыю праекта плануюць выдаткаваць каля 941 мільёна рублёў, а ўвесці аб’ект у эксплуатацыю плануецца ў 2030 годзе.
Цяпер чытаюць
Яму выбілі чатыры зубы, а пасля выкінулі з краіны. Цяпер былога палітвязня арыштавалі ў Латвіі з шасцю мігрантамі ў машыне19
Каментары
Jašča treba dadać, što na MAZie stvaryli chutkasny samazvał dla pieravozki radyjoaktyŭnych rečyvaŭ, bo vieźci z Astraŭca pad Chojniki - śviet nia blizki, taksama i ŭ Mścisłaŭski rajon... Vy ŭ heta vierycie ? Ja - nie.
Vysnova: abjekt budzie stvorany ŭ Astravieckim rajonie, i heta ŭžo zaćvieržana "na samym vysokim uzroŭni"...