Адміністрацыя ЗША патрабуе ад Паўднёва-Афрыканскай Рэспублікі выйсці арганізацыі БРІКС, піша The Moscow Times. Пра гэта заявіў амерыканскі пасол у ПАР Леа Брэнт Бозэл, спасылаючыся на прэзідэнта Дональда Трампа, які нібыта сказаў: «Я хачу, каб ПАР зноў была недалучанай краінай. Недалучэнне — не такая ўжо вялікая просьба».
Па словах Бозэла, Вашынгтон паведаміў пра гэта ўраду ПАР амаль год таму, але адказу так і не атрымаў. Пасол адзначыў, што ўсё большае супрацоўніцтва ПАР з краінамі, якія ЗША лічаць праціўнікамі, выклікае занепакоенасць і ўплывае на давер інвестараў.
Акрамя выхаду з БРІКС, ЗША патрабуюць перагледзець закон аб экспрапрыяцыі і праграму Black Economic Empowerment, асудзіць лозунг «Забі бура», абараніць белых фермераў і адмовіцца ад пазову да Ізраіля ў Міжнародным судзе ААН па пытанні «генацыду» палесцінцаў.
ПАР далучылася да БРІКС у 2011 годзе і цяпер уваходзіць у арганізацыю разам з Расіяй, Кітаем, Бразіліяй, Індыяй, Егіптам, Іранам, ААЭ, Эфіопіяй і Інданезіяй. Пры гэтым урад ПАР імкнецца захаваць доступ да амерыканскага рынку ў рамках AGOA, што дае бесперашкодны доступ для тысяч афрыканскіх тавараў.
Раней Трамп пагражаў, што хутка скончыць з БРІКС, калі краіны блока паспрабуюць стварыць сур'ёзнае аб’яднанне або ўвесці валюту замест даляра, і нават абяцаў увесці пошліны на 100% на іх прадукцыю.
Трамп заявіў, што ЗША не будуць удзельнічаць у саміце G20 у ПАР
Трамп рэзка знізіў колькасць уцекачоў, якіх прымуць ЗША. Прыярытэт аддадуць белым паўднёваафрыканцам
«Страляй у бура». Што паказаў Дональд Трамп прэзідэнту Паўднёвай Афрыкі
Трамп правёў скандальную сустрэчу з прэзідэнтам ПАР. Яна нагадвала прыём у Белым доме Зяленскага
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2525
Каментары
Астатняе можна не выконваць.
Мне вось цікава, што там такога эпштэйн наздымаў пра трампа для массада, што ён як лялька рэзінавая выкарыстоўваецца.