Пенсіянерка паверыла ў неіснуючы ўклад і перавяла ашуканцам усе свае зберажэнні
72‑гадовай мінчанцы ў месенджары патэлефанавалі нібыта супрацоўнікі банка і паведамілі, што на яе імя адкрыты ўклад на 44 000 рублёў.
На пярэчанне пенсіянеркі, што яна не афармляла такіх дакументаў, ёй даслалі фатаграфію выпіскі з банкаўскага рахунку, паведамляе «Міліцыя Мінска».
Пасля ўжо ілжэправаахоўнікі пераканалі мінчанку, што ашуканцы завалодалі яе персанальнымі данымі і ад яе імя праводзяць незаконныя фінансавыя аперацыі.
Пенсіянерка, выконваючы ўказанні аферыстаў, зняла з асабістага рахунку 12 000 рублёў і 7 разоў перавяла іх праз тэрмінал на «спецыяльныя рахункі».
Толькі вярнуўшыся дадому, жанчына зразумела, што яе падманулі, і звярнулася ў міліцыю.
Пацярпелая прызналася аператыўнікам, што ведала пра такую схему махлярства, але разгубілася і паверыла зламыснікам.
«Дык дадому забяры алкаша абасцанага і выходжвай». Малады загадчык аддзялення бальніцы не стрымлівае сябе ў выразах у сацсетках23
Каментары
[Зрэдагавана]