Ці можа гэтай вясной павялічыцца колькасць надакучлівых і нават небяспечных насякомых, расказалі БелТА ў Нацыянальнай акадэміі навук Беларусі.
Старшая навуковая супрацоўніца лабараторыі паразіталогіі Дар’я Доўнар адзначыла, што колькасць мошак у першую чаргу залежыць ад надвор’я. Іх яйкі даволі ўстойлівыя да холаду, таму снежнае покрыва амаль не ўплывае на іх выжыванне — яны знаходзяцца ў рэках пад лёдам.
Калі вясной снег будзе раставаць хутка, узровень вады ў рэках падымецца і пачнецца працяглая паводка, могуць узнікнуць дадатковыя месцы для размнажэння мошак, і іх стане больш.
Развіццё камароў таксама звязана з тэмпературай паветра. Чым цяплейшая вясна, тым хутчэй яны праходзяць усе стадыі развіцця. Аднак рэзкія пахаладанні могуць запаволіць іх развіццё і нават знізіць колькасць.
Пакуль што, паводле спецыялістаў, ні камары, ні мошкі ў Беларусі яшчэ не актывізаваліся. Мошкі пачынаюць развівацца ў рэках толькі тады, калі вада награваецца прыкладна да васьмі градусаў. Зараз яе тэмпература складае каля чатырох—шасці градусаў, таму і камары, і мошкі знаходзяцца ў стане спакою. Выключэнне — падвальныя камары, якія могуць сустракацца на працягу ўсяго года.
Звычайна найбольшая актыўнасць гэтых насякомых назіраецца ў сярэдзіне або ў канцы мая і на пачатку чэрвеня. Часцей за ўсё ад мошак пакутуюць жыхары Гомельскай вобласці (у тым ліку Гомеля, Рэчыцы і Светлагорска), а таксама некаторых раёнаў Брэсцкай і часам Гродзенскай абласцей.
Што тычыцца іксодавых кляшчоў, то іх колькасць таксама залежыць ад розных фактараў. Для развіцця ім патрэбна кроў жывёл або чалавека, таму яны часцей сустракаюцца там, дзе ёсць іх кармавыя гаспадары.
Першыя кляшчы з’яўляюцца пасля раставання снегу, але асноўны перыяд іх актыўнасці прыпадае на май — пачатак чэрвеня. Другі ўздым колькасці назіраецца ў канцы жніўня — пачатку верасня. Калі ж вясна будзе вельмі ранняй, першы перыяд актыўнасці можа наступіць раней.
Кляшчы — іх улюбёная ежа. Навукоўцы пацвердзілі эфектыўнасць гэтых птушак у змаганні з небяспечнымі насякомымі
Сёлета беларусаў ужо два разы ўкусілі кляшчы
Камароў прыцягваюць людзі, якія напярэдадні пілі піва і займаліся сэксам
Захворванні, якія пераносяць камары, становяцца сур'ёзнай праблемай у Еўропе
Цяпер чытаюць
21‑гадовага курсанта Акадэміі авіяцыі асудзілі за Гаюна1
21‑гадовага курсанта Акадэміі авіяцыі асудзілі за Гаюна
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары
Samyja prasunutyja znaŭcy kali jašče kazali, što čałaviek na hetaj planecie - prychadzień, nia rodnaja jana nam !