Марына Адамовіч, жонка былога палітвязня Міколы Статкевіча, напісала на сваёй старонцы ў фэйсбуку, што правяла ў міліцыі некалькі гадзін, але цяпер на свабодзе.
«Дарагія сябры, я дома. Усё добра. Што гэта было — не ведаю. Проста пратрымалі некалькі гадзін», — напісала яна ў сябе ў фэйсбуку пра наведванне міліцыі.
Пра тое, што да Марыны Адамовіч сёння прыйшла міліцыя, раней напісаў у сваім тэлеграм-канале Мікола Статкевіч. Нібыта ад Адамовіч хацелі ўзяць тлумачэнні пра атрыманне ёй праваабарончай прэміі Homo Homini у Празе замест самога экс-палітвязня.
Пасля вяртання жонкі Статкевіч напісаў:
«Дарагія, сябры, Марына дома. Проста пратрымалі чатыры з паловай гадзіны ў Ленінскім РУУСе, не дапытвалі, проста трымалі. Зараз аналізуем, а што гэта было».
Цяпер чытаюць
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай
Каментары