15‑гадовы акцёр з Гродна з надрывам зачытаў «Гой ты, Русь моя, родная». І справядліва адхапіў ад беларусаў
15‑гадовы гродзенец Вячаслаў Канаразаў выклаў у сацсеткі відэа — дэкламацыю верша Сяргея Ясеніна «Гой ты, Русь моя, родная». Падача — як на вялікай сцэне: эмоцыі, надрыў, позірк у далячынь. Сам ролік падлетак пазіцыянуе як самапробу. Але замест захаплення атрымаў хвалю крытыкі.
«Беларускіх вершаў не знайшлося?»
У каментарыях да відэа больш за сотню рэакцый. І значная частка з іх пра выбар матэрыялу. Асабліва іранічна гэта выглядае на фоне таго, як хлопец сам прадстаўляе сябе ў сацсетках: «Прывітанне, мяне завуць Слава, і я акцёр з Беларусі!»
«Беларускіх вершаў не знайшлося?» — пытаюць беларусы ў каментарах.
«Акцёр з Беларусі, але не беларускі. Навошта прапагандаваць маскальшчыну?» — абураюцца адныя.
«Сапраўдныя беларусы прапагандуюць беларускіх дзеячаў культуры», — заўважаюць іншыя.
«Лепш бы ты Максіма Багдановіча ці Янку Купалу прачытаў», — дадаюць наступныя.
Некаторыя рэагуюць яшчэ больш рэзка, не шкадуючы юнака:
«Маскаль, не прылепвайся да беларусаў».
«Рускі ты, але ніяк не беларус».
«Шаноўны, можна служыць Мельпамене, а можна прыслужваць рэжыму маскаля. Прабач, але ты культурны калабарант».
Іншыя каментатары спрабуюць перавесці размову ў прафесійную плоскасць:
«Чытаць з выражэннем — гэта не значыць крычаць».
«Чэл, пераігрываеш страшэнна», — падказваюць у каментарах.
Ад Бядулі да Васільева
Вячаслаў Канаразаў скончыў тэатральнае аддзяленне гродзенскай школы мастацтваў і цяпер грае ў моладзевым тэатры «Гродзенская надзея».
У 2025 годзе ён заняў другое месца на конкурсе «Жывая класіка», чытаючы беларускі твор — «Зямлю» Змітрака Бядулі.
А ўжо ў 2026 годзе Вячаслаў перамог у тым жа конкурсе, але з іншым матэрыялам: «В списках не значился» Барыса Васільева.
Паралельна з гэтым хлопец здымаецца ў кіно. У яго фільмаграфіі ўжо некалькі праектаў, у тым ліку серыялы «Партызаны», «Далёка да Масквы», «Цэзар», а таксама фільм «Не адна дома — 3». У кароткаметражцы «Палева» ў яго галоўная роля.
У сацсетках юнак чытае Маякоўскага, Еўтушэнку, нават зняўся ў відэа ў вобразе Ясеніна.
Манера Канаразава — гучная, з надрывам — нагадала тэлевізійную версію Ясеніна. Зрэшты, хлопец захапляецца расійскім акцёрам Сяргеям Бязрукавым, які якраз іграў ролю паэта ў расійскім серыяле, які выйшаў у 2005 годзе.
У кароткіх відэа самапробаў Вячаслава — тэксты пра радзіму (савецкую), подзвіг, партызан.
Цяпер чытаюць
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца8
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2222
Каментары
З Бабруйска падобныя чамусці амаль усі з'ехалі разам з жыдамі ці наадварот
Ні знаходзят яны у Брэсце Гародне сябе таму абірают большасць зразумелы" усход" нехта "цікавы поўдзень" ..