У Мінадукацыі патлумачылі, чаму ў медыцынскія ВНУ не будуць набіраць платнікаў
Начальнік Галоўнага ўпраўлення прафесійнай адукацыі Міністэрства адукацыі Беларусі Сяргей Пішчоў у эфіры тэлеканала СТБ адказаў на пытанне, ці праўда, што ў медыцынскія ВНУ Беларусі не будуць набіраць першакурснікаў-платнікаў. Гэта раней стала вядома пасля Адзінага дня абітурыента ў вышэйшых навучальных установах.
Сяргей Пішчоў інфармацыю пацвердзіў:
«Так, сапраўды, неабходна адзначыць, што кантрольныя лічбы прыёму, гэта значыць бюджэтныя месцы і месцы на платнай аснове, фармуюцца нашымі заказчыкамі і нашымі ўстановамі вышэйшай адукацыі па строга выбудаваным алгарытме. Гэта значыць, улічваецца перспектыўная патрэба кадравая ў спецыялістах па кожнай спецыяльнасці. І ў далейшым заснавальнікі (у гэтай сітуацыі — Міністэрства аховы здароўя) зацвярджаюць кантрольныя лічбы прыёму».
Прадстаўнік Мінадукацыі нагадаў, што падрыхтоўка спецыялістаў толькі за кошт сродкаў рэспубліканскага бюджэту характэрная для шэрагу ВНУ:
«Па такой жа схеме ў нас ажыццяўляецца падрыхтоўка кадраў для аграрнага комплексу, для педагагічных спецыяльнасцяў».
Што тычыцца медыцынскіх ВНУ, то Пішчоў нагадаў, што іх выпускнікоў чакае «далейшая практыка, арыентаванае навучанне».
«У сувязі з гэтым такое рашэнне заснавальнік прыняў», — падкрэсліў чыноўнік.
Цяпер чытаюць
«Соевыя экстрэмісты павінны адпрацаваць міску клубніц». Скардзіўся на ўмовы працы ў КДБ, а цяпер уцюхвае трэнінгі сілавікам — хто такі Антон Шабуневіч1919
Каментары