«Украіна — за тысячы міль адсюль, праз акіян. Мы ім дапамаглі. У нас быў прэзідэнт — проста дурань», — сказаў ён.
Кіраўнік Белага дома Дональд Трамп заявіў, што ЗША не павінны былі ўмешвацца ва Украіну. Пра гэта ён сказаў падчас размовы з журналістамі, піша «Украінская праўда».
«Мы трацім мільярды. Ведаеце, нам не трэба было ўмешвацца ва Украіну. Украіна — за тысячы міль адсюль, праз акіян. Мы ім дапамаглі. У нас быў прэзідэнт — проста дурань: аддаў ім 350 мільярдаў даляраў, нічога не атрымаўшы ўзамен, аддаў ім столькі грошай, выдаткаваў столькі боепрыпасаў. Мы цяпер вырабляем боепрыпасы па ўсёй краіне, бо яны нам патрэбныя, бо ён так шмат аддаў Украіне і нічога за гэта не атрымаў. А я прадаю ім боепрыпасы. За гэта плаціць Еўрапейскі cаюз», — сказаў ён.
Раней ён прыгразіў еўрапейскім саюзнікам спыніць пастаўкі зброі Украіне па праграме PURL, калі яны не далучацца да аперацыі па разблакіроўцы Армузскага праліва.
Каментары