Беларус стварыў праект з аўтэнтычнымі вандроўкамі па Партугаліі — у чым яго фішка?
Партугалія пэўны час заставалася ў цяні іншых, больш мэйнстрымных еўрапейскіх краін, куды сцякаліся турысты з усяго свету. Але сёння гэта адзін з самых папулярных кірункаў не толькі для вандровак, але нават для эміграцыі: цёплы клімат круглы год, акіян, ежа і прырода на выбар, а таксама багатая культура і гасціннасць саміх партугальцаў.
Кірыл Атаманчык аднойчы палюбіў Партугалію гэтак жа, як і многія беларусы, якія там былі, — з першага погляду. У выніку з’явіўся праект My Portugal Moments — аўтарскі, лямпавы праваднік па Партугаліі ад людзей, якія ставяцца да яе як да другой радзімы.
Распыталі Кірыла Атаманчыка пра асаблівасці гэтых тураў, чым яны адрозніваюцца ад шматлікіх гайдаў у інтэрнэце і чаму беларусам варта павучыцца ў партугальцаў.
«Мы пабачылі Партугалію ўпершыню недзе ў 2009 годзе, і тады яна сапраўды была яшчэ вельмі недаацэненай, гублялася ў іншых напрамках. А гэта краіна з неверагоднай канцэнтрацыяй гісторыі, святла і шчырасці. Дарэчы, па сваёй шчырасці партугальцы даволі блізкія да беларусаў.
Тут няма штучнасці, якую часам сустрэнеш у папулярных сталіцах Еўропы. Плюс Партугалія — гэта краіна, якая можа прапанаваць амаль усё, што захочаш: лясы, горы, пляжы, акіян, выспы, гісторыю, кухню, забавы. Усё гэта захапляе людзей і цяпер Партугалія ўжо ўваходзіць у шматлікія рэйтынгі для турыстаў», — расказвае Кірыл Атаманчык.
Спачатку Кірыл паказваў Партугалію сябрам і блізкім, дапамагаў ім адкрываць яе. Паступова гэта ператварылася ў бізнэс-ідэю.
«З аднадумцамі мы вырашылі стварыць сэрвіс, які дапамагае людзям не проста «наведаць» краіну, а пражыць у ёй свае эмацыйныя моманты. Наш праект — для тых, хто хоча разумець, а не проста «пабываць». Гэта і госці, якія прыязджаюць у Партугалію ўпершыню, і тыя, хто ўжо быў тут, але хоча больш глыбокага досведу. Таму наша асноўная аўдыторыя — гэта найперш дапытлівыя падарожнікі, якія цэняць камфорт, аўтэнтычнасць і свой час».
Кірыл даводзіць, што ў той час, як Гугл і штучны інтэлект даюць толькі інфармацыю, яны прапаноўваюць глыбокі досвед, поўнае занурэнне ў культуру.
«Штучны інтэлект ведае факты, а мы ведаем кантэкст і эмоцыі. My Portugal Moments — гэта не масавы тур-шоп. Гэта жывое веданне кантэксту: чаму гэта месца важнае, як яго адчуваюць мясцовыя, калі туды лепш ісці і з якім настроем. Мы ствараем маршруты праз асабісты досвед, памылкі, адкрыцці і любоў — тое, што немагчыма скапіраваць алгарытмам. З улікам таго, што навокал нас усё больш штучнасці, мы імкнемся да камунікацыі з людзьмі, іх эмоцыямі і пажаданнямі».
Каб замовіць падарожжа з камандай My Portugal Moments, дастаткова напісаць ім анлайн. Далей вам прапануюць жывую размову, каб зразумець ваш запыт, і пасля падрыхтуюць індывідуальную прапанову. Заяўкі прымаюцца на некалькіх мовах — беларускай, рускай, англійскай і партугальскай.
«Мы дапамагаем з маршрутам, праграмай, лагістыкай, кансультацыямі перад паездкай. Кошт залежыць ад фармату (індывідуальна, у пары, у групе), працягласці і напаўнення. Мы не працуем «па шаблоне», таму кожны раз гэта асобная гісторыя. Праўда, з візамі мы не дапамагаем (гэта не наш профіль)».
Кірыл кажа, што беларусам дакладна ёсць чаму павучыцца ў партугальцаў — напрыклад, уменню атрымліваць асалоду ад моманту.
«Беларусы вельмі працавітыя і адказныя, але праз розныя абставіны нам часам не хапае ўмення проста сесці на беразе, выдыхнуць і паглядзець на заход сонца, не думаючы пра планы на наступны год. Партугалія вучыць берагчы сябе і свой унутраны спакой. Цаніць простыя рэчы, быць у кантакце з акіянам, прыродай і ўласнымі традыцыямі. Партугальцы вельмі стрыманыя на першы погляд, але шчырыя, далікатныя і глыбока чалавечныя».
Вандроўкі з камандай праходзяць у фармаце «slow tours» — калі вандроўнік не спяшаецца і насалоджваецца краінай і вандроўкай павольна.
Цяпер My Portugal Moments прапаноўвае туры па Лісабоне. У планах — Порту, Цэнтральная Партугалія, Мадэйра і Азоры.
«Ужо амаль падрыхтаваны да запуску новы рэгіён Альгарве. Калі хопіць сілаў і часу, то пад канец года магчыма адкрыем яшчэ і Алентэжу», — расказвае Кірыл.
«Варта адзначыць, што мы яшчэ не скончылі працу па фармаванні ўсіх прапаноў у Лісабоне. Мы імкнемся абавязкова пабываць у кожнай лакацыі, якую прапаноўваем. Як вы разумееце, гэта займае шмат часу. Мы з аднаго боку імкнёмся да як мага шырэйшага «меню», але з іншага — фармуем «перліны», якія могуць зацікавіць і больш вузкую аўдыторыю».
Шукайце розныя ідэі, як адкрыць для сябе Лісабон, на сайце My Portugal Moments. Альбо звяртайцеся да каманды праекта наўпрост — і вам дапамогуць зрабіць падарожжа ў Партугалію ўнікальным. Вы можаце напісаць не толькі праз сайт, але і ў фэйсбуку, інстаграме, тыктоку ці LinkedIn — там, дзе вам найбольш зручна.
Каментары
составить план путешествия по Греции на 3 дня для философа, интересующегося философией Древней Греции, и получил подробнейший план.
Я бы однозначно потратил лишние деньги не на "авторский, ламповый проводник по Португалии ", а на более комфортабельное путешествие, или просто на то, чтобы пробыть на 1 день больше.
Кстати, к статуе Аристотеля в Салониках я как-то добрался без помощи "авторских, ламповых проводников"