Нафтагазавыя даходы расійскага бюджэту падаюць удвая чацвёрты месяц запар
Даходы расійскага бюджэту ад нафты і газу зніжаюцца ўжо некалькі месяцаў запар. У сакавіку яны ўпалі прыкладна на 43% у параўнанні з мінулым годам і склалі каля 617 мільярдаў рублёў (каля 7,7 мільярда даляраў). Гэта вынікае са справаздачы расійскага Мінфіна, піша The Moscow Times.
Асноўныя падаткі, якія прыносяць грошы ў бюджэт, таксама істотна скараціліся. Напрыклад, падатак на здабычу карысных выкапняў упаў амаль напалову, а экспартныя мыты — прыкладна на чвэрць.
Такая тэндэнцыя працягваецца ўжо чацвёрты месяц запар: у папярэднія месяцы таксама назіралася амаль двухразовае зніжэнне даходаў у параўнанні з мінулым годам. У выніку за першы квартал расійскі бюджэт атрымаў значна менш сродкаў, чым раней.
Асноўная прычына — нізкія цэны на нафту, ад якіх залежаць гэтыя даходы. Хоць часам адбываюцца ваганні і нават рост цэн, у сярэднім яны застаюцца ніжэйшымі за тыя, што закладзены ў бюджэт. Таксама магчымасці расійскага экспарту абмяжоўваюцца накладзенымі санкцыямі і пастаяннымі ўдарамі УСУ па паліўнай інфраструктуры.
Эксперты адзначаюць, што ў будучыні даходы могуць часткова аднавіцца, калі вырастуць цэны на сыравіну. Але ў цэлым сітуацыя застаецца нестабільнай і расійскі бюджэт адчувае значны недахоп сродкаў у параўнанні з планамі.
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя7
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары