У Татарстане гарыць «Ніжнякамскнафтахім» — пацярпелі больш за 50 чалавек, адзін загінуў
На тэрыторыі хімічнага завода ў Ніжнякамску адбыўся выбух, пасля якога пачаўся пажар. Колькасць пацярпелых увесь час расце.
Мэр горада Радмір Бяляеў толькі пасля таго, як у сеціве распаўсюдзіліся шматлікія відэа буйнога пажару, пацвердзіў факт узгарання, заявіўшы, што на прадпрыемстве «вядзецца лакалізацыя ачага».
Пазней МНС РФ паведаміла, што 13 чалавек пацярпелі пры пажары. Потым лічба вырасла да 50 чалавек, адзін загінуў. Лічбы паступова растуць.
Ад выбуху пашкоджаны найбліжэйшыя дамы — хваляй выбіла шкло, а на аконных рамах з'явіліся расколіны. Адміністрацыя горада адкрыла гарачую лінію для пацярпелых жыхароў і фіксацыі разбурэнняў, паведамляе «База».
«Я на 10 паверсе жыву, у нас дом проста зашатала, я думала складземся. Мяне да гэтага часу трасе», — прыводзіць расійскі канал словы сведкі.
Пажару прысвоены максімальны ўзровень складанасці, плошча ўзгарання ўжо больш за 2000 кв. м.
«Папярэдняй прычынай здарэння з'яўляецца збой у працы абсталявання. Інфармацыя аб колькасці пацярпелых удакладняецца», — гаворыцца ў паведамленні «Ніжнякамскнафтахіма».
Адразу пасля здарэння «Расавіяцыя» часова закрыла мясцовы аэрапорт, аднак праз 10 хвілін абмежаванні былі зняты.
«Ніжнякамскнафтахім» — буйное нафтахімічнае прадпрыемства, якое выпускае сінтэтычныя каўчукі, палімеры і іншую хімічную прадукцыю. Яго матэрыялы выкарыстоўваюць у тым ліку і на абаронных прадпрыемствах.
Цяпер чытаюць
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе88
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе8
Таццяна Заміроўская першы раз за 11 гадоў вярнулася з ЗША ў Еўропу. Многія манеры, звычкі і нават птушкі, якіх мы не прыкмячаем, выклікалі ў яе буру ўспамінаў1010
Каментары
[Зрэдагавана]