Парламент Грузіі прыняў папраўкі аб увядзенні новай візы для «лічбавых качэўнікаў»
Парламент Грузіі ў трэцім чытанні прыняў папраўкі ў закон аб прававым становішчы замежнікаў і асоб без грамадзянства, якія прадугледжваюць увядзенне новай візы катэгорыі C5 для замежных грамадзян, што працуюць на негрузінскія кампаніі, паведамляе Newsgeorgia.
C5 — гэта шматразовая кароткатэрміновая віза тэрмінам дзеяння да пяці гадоў, якая дае права знаходзіцца ў Грузіі да 12 месяцаў.
Разлічваць на атрыманне візы змогуць грамадзяне «бяспечных краін», якія ўязджаюць у краіну з турыстычнымі мэтамі і працуюць дыстанцыйна на кампаніі за мяжой. Візу таксама змогуць атрымаць члены сям’і заяўніка — муж ці жонка і дзеці да 18 гадоў.
На замежнікаў, якія працуюць дыстанцыйна на замежныя кампаніі або выконваюць кароткатэрміновыя прафесійныя задачы ў рамках часовых праектаў, не будуць распаўсюджвацца нормы заканадаўства аб працоўнай міграцыі.
Папраўкі таксама прадугледжваюць выдачу віз у паскораным парадку і ўвядзенне дадатковай падставы для адмовы ў выдачы візы — «дзяржаўная іміграцыйная палітыка». Калі замежніку адмовілі ў выдачы візы па гэтай падставе, рашэнне не падлягае абскарджанню.
Цяпер чытаюць
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
Каментары