1. Падбірайце сэксуальныя позы, у якіх вядзе рэй жанчына.
Каб яна падладжвала рытм і пункты дакранання пад сябе. У фаварытках — поза «Вершніца», назва якой кажа сама за сябе. Гэтая пастава дазваляе ёй рэгуляваць і рытм фрыкцыяў, і глыбіню пранікнення. У сваю чаргу, мужчына мусіць навучыцца атрымліваць асалоду ад працэсу кахання з жонкай, а не ад панавання над ёй, мусіць навучыцца любіцца, а не займацца грубым сэксам.
2. Вучыцеся адчуваць сябе, сваё цела і цела сваёй партнёркі падчас любошчаў.
Вучыцеся кантраляваць нервовае напружанне і ўзровень напятасці цягліцаў, мець правільнае дыханне. Любыя тэхнічныя хітрыкі пачнуць працаваць пры адной умове: полавае жыццё павінна быць рэгулярным і поўным сапраўднага пачуцця.
3. Выкарыстоўвайце начэпнікі (прэзерватывы) з анестэтыкамі
— сродкамі, якія змяншаюць чуллівасць.
4. Далучыце да рацыёну прадукты мора і шакалад.
У процівагу стымулятарам полавага поцягу, афрадызіякам, якія часцяком працуюць на эфекце: «верыш — падзейнічае, што заўгодна» — вустрыцы і змесціва банбаньерак сябе даўно станоўча зарэкамендавалі.
5. Выкарыстоўвайце любрыканты.
Шмаравідла спрыяе таму, што сіла церця змяншаецца. Адпаведна мужчыне трэба больш часу на тое, каб дасягнуць вяршыні асалоды.
6. Зведайце як уласныя эрагенныя зоны, так і партнёравыя.
Каханне — гэта не тэорыя, а практыка.
7. Рабіце гэтак званае практыкаванне Кегеля.
Напружвайце цягліцылагвовага (тазавага) дна, усё роўна як хочаце затрымаць вывальненне мачы. Сканцэнтруйцеся на цягліцах, якія атачаюць мочавыпускальны канал і похву. Пасля ўявіце, што вы падымаецеся на ліфце (як вышэй, то мацней сціскаюцца цягліцы тазавага дна), потым вяртаецеся на першы паверх (як ніжэй, то мацней цягліцы лагвовага дна разнявольваюцца).
8. І самае простае — кахайцеся часцей. Толькі не ператварайце сэкс для жыцця ў жыццё для сэксу.
Каментары