У фінал аднаго з еўракубкаў выйшаў крыўдзіцель гродзенскага «Нёмана».
Учора вызначыліся фіналісты футбольнай Лігі Еўропы і Лігі канферэнцый.
У фінале Лігі Еўропы згуляюць англійская «Астан Віла» і нямецкі «Фрайбург».
«Астан Віла» перамагла ў паўфінале іншы англійскі клуб — «Нотынгем Форэст» (першы матч 0:1, другі 4:0).
А «Фрайбург» выйграў у партугальскай «Брагі» (першы матч 1:2, другі 3:1).
Фінал пройдзе 20 мая ў Стамбуле на стадыёне «Бешыкташ».
У фінале Лігі канферэнцый згуляюць англійскі «Крыстал Пэлас» і іспанскі «Раё Вальекана».
«Крыстал Пэлас» двойчы выйграў у данецкага «Шахцёра»: 3:1 і 2:1, а «Раё Вальекана» двойчы з лікам 1:0 перамог французскі «Страсбур».
Нагадаем, што іспанскі клуб выбіў з турніру гродзенскі «Нёман». Мадрыдскі клуб двойчы ў фінале плэй-оф кваліфікацыі ў жніўні перамог беларусаў: 1:0 і 4:0.
Фінал пройдзе 27 мая ў Ляйпцыгу.
У фінале футбольнай Лігі чэмпіёнаў 30 мая ў Будапешце згуляюць французскі «ПСЖ» і англійскі «Арсенал».
Такім чынам, у трох фіналах еўракубкаў згуляюць тры англійскія клубы.
23‑гадовага афіцэра брыгады спецназа асудзілі на 19 гадоў за «здраду дзяржаве»16
23‑гадовага афіцэра брыгады спецназа асудзілі на 19 гадоў за «здраду дзяржаве»
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў88
Каментары