У Белых гарах на захадзе грэчаскага вострава Крыт навукоўцы знайшлі новы від матылькоў-агнёвак, які адрозніваецца яркай афарбоўкай і незвычайнай назвай. Даследчыкі далі яму імя Pyralis papaleonei — «матылёк Папы Льва», паведамляе выданне Phys.org.
Pyralis papaleonei знаходзілі пакуль толькі ў Лефка-Оры (Белых гарах) — верагодна, насякомае з’яўляецца эндэмікам Крыта. Размах крылаў «матылька Папы Льва» — каля двух сантыметраў, што з’яўляецца сярэднім памерам для яго групы.
Гэтага матылька лёгка адрозніць па фіялетавых пярэдніх крылах з аранжава-залацістай плямай і прыкметных белых палосах. Асобін назіралі каля штучных крыніц святла; найбольш актыўныя яны, відаць, у чэрвені. Пра біялогію і лад жыцця новага віду пакуль вядома няшмат.
Навукоўцы аддзялілі агнёўку ад блізкіх відаў па класічных марфалагічных прыкметах (малюнак крылаў, афарбоўка, будова геніталій), а таксама з дапамогай генетычнага аналізу. Малекулярныя даследаванні паказалі адрозненне прыкладна ў 6% у параўнанні з бліжэйшым роднасным відам — гэтага дастаткова, каб упэўнена казаць пра самастойны від.
У родзе Pyralis існуе асаблівая традыцыя гучных імёнаў. Яшчэ ў 1775 годзе аўстрыйскія натуралісты апісалі першы від гэтай групы як Pyralis regalis («каралеўскі»), натхніўшыся яго эфектнай афарбоўкай. Пазней з’явіліся Pyralis princeps і Pyralis cardinalis. Новы від працягвае гэты шэраг.
Кіраўнік даследавання Петэр Хюмер з Тырольскага дзяржаўнага музея Фердынандэум лічыць, што прысваенне імя — не проста фармальны акт. Назва служыць сімвалічным зваротам да кіраўніка Каталіцкай царквы Папы Льва XIV з напамінам пра адказнасць чалавецтва за захаванне навакольнага свету. Акрамя таго, у хрысціянскай традыцыі матылькі і моль лічацца сімваламі ўваскрашэння, пераўтварэння і несмяротнай душы.
Хюмер падкрэслівае: свет перажывае глабальны крызіс біяразнастайнасці, а навукова апісана толькі малая частка наяўных відаў. Эфектыўная ахова прыроды немагчымая, калі віды спачатку не распазнаныя, не апісаныя і не названыя.
«А як карміць, хлебам хіба?» У магілёўскім заасадзе дзеці глядзелі на адсечаную галаву казулі ў ваўчыным вальеры
Рысь, якая гуляе, мядзведзь і фламінга на фоне правадоў. За каго галасавалі гледачы на конкурсе «Фатограф дзікай прыроды года»
Прапануюць бясплатна пажыць на выспе ля берагоў Уэльса — тым, хто гатовы лічыць тупікаў і іншых жывёл
Памяшканне, дзе жывуць тысячы матылькоў, выставілі на продаж у Мінску
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра3232
Каментары