Вынікі рэалізацыі грашова-крэдытнай палітыкі ў I квартале 2026 года разгледжаны на пашыраным пасяджэнні праўлення Нацбанка, паведамляе БелТА.
«Інфляцыя ўстойліва запавольваецца. З пачатку года спажывецкія цэны выраслі на 1,6%, што ніжэй, чым прагназавалася (2,5%)», — адзначыў начальнік галоўнага ўпраўлення манетарнай палітыкі і эканамічнага аналізу Нацыянальнага банка Дзмітрый Мурын.
Пры гэтым улічвалася, што павышэнне цэн на камунальныя паслугі з 1 студзеня было перанесена на 1 сакавіка.
«Нават з улікам гэтай папраўкі прагнозны паказчык змяняецца з 2,5% да 1,9%, а па факце — 1,6%. То-бок мы ўсё роўна бачым добрую дынаміку па спажывецкіх цэнах на запаволенне», — дадаў Дзмітрый Мурын.
Каментары