ЦРУ папярэдзіла еўрапейскія ўрады аб магчымай атацы расійскіх дронаў на Іспанію, Францыю або Італію
Дроны могуць запусціць з мора, схаваўшы іх у кантэйнеры на судне.
Амерыканскія спецслужбы сабралі звесткі пра тое, што Расія рыхтуе магчымую атаку дронаў на адну з міжземнаморскіх краін — Іспанію, Францыю або Італію — і перадала іх некалькім еўрапейскім урадам. Пра гэта піша іспанская газета El Mundo са спасылкай на ананімныя крыніцы.
Крыніца выдання, блізкая да Міністэрства абароны Літвы, заявіла, што дроны могуць запусціць з мора, схаваўшы іх у кантэйнеры на судне.
Паводле звестак газеты, літоўскім уладам вядомы і тып апарата — «Гербера» масай да 18 кілаграмаў з заяўленай далёкасцю палёту да 600 кіламетраў. Адно гандлёвае судна можа перавозіць некалькі такіх дронаў.
Літва і іншыя краіны, як сцвярджае газета, атрымалі гэтую інфармацыю неўзабаве пасля паездкі дырэктара ЦРУ Джона Рэткліфа ў Маскву 25 жніўня.
Рэткліф прыляцеў на амерыканскім ваенным самалёце, які рабіў прыпынак у Рызе. Дыпламатычныя крыніцы ў адной з краін Балтыі паведамілі выданню, што ведалі пра паездку загадзя, а пасля атрымалі інфармацыю пра яе змест.
Урады Іспаніі, Францыі і Італіі таксама атрымалі інфармацыю пра тое, што Расія рыхтуе магчымую аперацыю з выкарыстаннем дронаў супраць адной з гэтых краін, расказалі газеце крыніцы, знаёмыя з папярэджаннем.
Афіцыйных каментароў наконт паведамлення ЦРУ пакуль не было.
-
Кіеў увечары зноў быў пад атакамі, знікалі святло і вада. За дзень ва Украіне загінулі як мінімум 25 чалавек
-
Колькасць загінулых у Прылуках пад Чарнігавым вырасла да 14
-
Былы кіраўнік Google: Расія здаганяе Украіну ў вайсковых тэхналогіях, а рэсурсаў у яе нашмат больш. Галоўным выклікам будзе «Рассвет»
Рэдкі выпадак: памілаваны беларускі палітвязень пайшоў на вайну супраць Украіны16
Рэдкі выпадак: памілаваны беларускі палітвязень пайшоў на вайну супраць Украіны
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў1212
Каментары