Грамадства66

Беларусам прапанавалі падаваць заяўкі на часовы ДНЖ у Літве праз Грузію і Арменію

Гэта зроблена для таго, каб літоўскія працадаўцы і надалей маглі прыцягваць неабходных ім работнікаў з Беларусі, паведамляе прэс-служба МУС Літвы.

Здымак ілюстрацыйны. Фота: internationalinvestment.biz

З 1 лістапада 2026 года падаць заяву на атрыманне часовага дазволу на жыхарства ў Літве праз падраздзяленні знешняга пастаўшчыка паслуг у Босніі і Герцагавіне, Казахстане, Кыргызстане і Узбекістане будзе немагчыма.

Такое рашэнне прыняў міністр унутраных спраў Літвы Марцінас Кацялінас. Прычынай названыя пагрозы інтарэсам дзяржаўнай бяспекі.

Адначасова Літва стварае магчымасць для грамадзян Беларусі падаваць заявы на часовы дазвол на жыхарства праз падраздзяленні знешняга пастаўшчыка паслуг у Арменіі і Грузіі. Гэта зроблена для таго, каб літоўскія працадаўцы і надалей маглі прыцягваць неабходных ім работнікаў з Беларусі.

Без такой магчымасці пасля ўступлення ў сілу зменаў у заканадаўстве аб прававым становішчы замежнікаў з 1 лістапада беларускія грамадзяне больш не маглі б прыязджаць у Літву для працы, сцвярджае літоўскае МУС.

У выніку ў абноўленым спісе замест 31 краіны застанецца 27. У 22 з іх можна будзе падаваць заявы на часовы дазвол на жыхарства ў Літве на падставе працы.

Магчымасць падаваць заявы на часовы від на жыхарства праз знешніх пастаўшчыкоў паслуг, знаходзячыся за межамі Літвы, з'явілася з 1 студзеня 2023 года.

Раней паведамлялася, што для працаўладкавання беларусаў у Літве маглі ўзнікнуць сур'ёзныя праблемы, паколькі паводле новых правілаў, якія ў Літве прынялі яшчэ ў маі, падаць хадайніцтва ў Дэпартамент міграцыі на атрыманне часовага ДНЖ на падставе працы або вучобы можна толькі пры наяўнасці:

  • дзейнага ДНЖ або выдадзенай Літвой нацыянальнай візы;
  • дзейнага ДНЖ іншай краіны ЕС або краіны Шэнгенскай зоны;
  • або законных падстаў для бязвізавага знаходжання.

Гэта азначала, што замежнікі, якія прыедуць у Літву з шэнгенскай візай або нацыянальнай візай іншай дзяржавы пасля 1 лістапада 2026 года, не змогуць падаць хадайніцтва аб выдачы дазволу на пражыванне ў Літве на падставе працы або навучання праз Дэпартамент міграцыі.

Для таго, каб абысці гэта абмежаванне, у рашэнні міністра ўнутраных спраў Літвы і прадугледжаная агаворка для беларусаў.

Каментары6

  • Смурфик
    24.09.2026
    А чего не через Японию или Гавайи какие?
    В местном литовском мигрейшене работать некому?
  • Сюр
    24.09.2026
    Нейкі сюр, спачатку яны распавядаюць пра беларускую пагрозу, хайпуюць на ліцьвінізме, анулююць внж на падставе усялякай хрэні, абмежаванні уводзяць, а потым беларусам нейкія выключэнні робяць.
    Забараніце ўжо і супакойцеся.
  • Чытайце ўважліва
    24.09.2026
    Сюр, ды яны проста рофляць так. Ці вы сапраўды верыце, што дальнабоі беларускія будуць у Арменію або Грузію лётаць, каб там сабе дакументы літоўскія зрабіць?

Цяпер чытаюць

Выкладчыцы вакалу з Бабруйска далі 14 гадоў у Расіі за сэксуальны гвалт над дзяўчынкамі3

Выкладчыцы вакалу з Бабруйска далі 14 гадоў у Расіі за сэксуальны гвалт над дзяўчынкамі

Усе навіны →
Усе навіны

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка10

Мінскія ўлады ўжо абмяркоўваюць ідэю Лукашэнкі запусціць трамваі ў метро14

Людзі спяшаюцца перабрацца з Расіі ў Эстонію1

Выйдзе працяг «Адзін дома» з Макалеем Калкіным

Мінчане купілі пустуючую хату за 2300 рублёў і вяртаюць яе да жыцця5

Чаму ўсё новае цяпер выглядае крыху вінтажным1

У Мінску прадаюць чарэшні па касмічнай цане1

Вадзім Галыгін: Я крыху стаміўся ад гумару. Хочацца паспрабаваць нешта іншае8

У Мексіцы затрымалі аднаго з найбольш шуканых наркабаронаў — за інфармацыю пра яго абяцалі $5 млн

больш чытаных навін
больш лайканых навін

Выкладчыцы вакалу з Бабруйска далі 14 гадоў у Расіі за сэксуальны гвалт над дзяўчынкамі3

Выкладчыцы вакалу з Бабруйска далі 14 гадоў у Расіі за сэксуальны гвалт над дзяўчынкамі

Галоўнае
Усе навіны →

Заўвага:

 

 

 

 

Закрыць Паведаміць