У Буда-Кашалёўскім раёне ў кастрычніку цвітуць сланечнікі. Прытым так і было задумана
У гаспадарцы «Андрэеўка» Буда-Кашалёўскага раёна сёлета атрымалася вырасціць два ўраджаі сланечніку за адзін сезон. У кастрычніку на тэрыторыі гаспадаркі зацвіў новы пасеў, што здзівіла нават вопытных аграрыяў, паведамляе тэлеканал «Беларусь 4».
Сёлета сланечнікамі ў гаспадарцы было засеяна 250 гектараў. Ураджайнасць асноўнага пасеву аказалася высокай: бункеры камбайнаў напаўняюцца з разліку 25—30 цэнтнераў з гектара. Камбайнеры адзначаюць, што ўбіраць гэты ўраджай вельмі зручна.
Побач з асноўным полем знаходзіцца яшчэ адзін участак плошчай 85 гектараў. Там сланечнік толькі паспявае. Яшчэ некалькі месяцаў таму на гэтым месцы рос ячмень, але ў гаспадарцы вырашылі правесці эксперымент і без папярэдняй падрыхтоўкі глебы пасеялі пасля яго сланечнік.
Нягледзячы на тое, што ўжо настала восень, расліны на гэтым полі набліжаюцца да неабходнай для ўборкі спеласці. У гаспадарцы лічаць эксперымент удалым.
Цяпер чытаюць
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна44
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1313
Каментары