«Мы папярэджвалі»: Прэм'ер Чарнагорыі пракаментаваў затрыманне кіраўніка канала «Рыбар»
«Чарнагорыя абараняе свае інтарэсы, і ніхто не паставіць пад пагрозу нашу еўрапейскую будучыню», — сказаў Мілойка Спаіч.
Прэм'ер-міністр Чарнагорыі Мілойка Спаіч пракаментаваў затрыманне кіраўніка «Рыбара» Міхаіла Звінчука і яго каманды.
«Мы папярэджвалі, што спробы гібрыднага ўмяшання і дэстабілізацыі Чарнагорыі не спыняюцца і суправаджаюць наш еўрапейскі шлях», — заявіў Спаіч.
Паводле слоў прэм'ера, цяпер не час для паспешлівых заяваў, аднак ёсць сур'ёзныя падставы, якія патрабуюць пільнай праверкі. Ён падкрэсліў, што ўлады не будуць раскрываць падрабязнасці, якія павінны заставацца ў кампетэнцыі спецслужбаў.
«Дзяржаўныя інстытуты выконваюць сваю працу, Чарнагорыя абараняе свае інтарэсы, і ніхто не паставіць пад пагрозу нашу еўрапейскую будучыню», — дадаў прэм'ер.
Міхаіла Звінчука разам з некалькімі яго супрацоўнікамі затрымалі раніцай 9 кастрычніка ў горадзе Рысан. Сярод затрыманых — жонка і паплечніца Міхаіла Звінчука Валерыя.
Аперацыю па затрыманні правяла чарнагорская паліцыя ў супрацоўніцтве з Агенцтвам нацыянальнай бяспекі краіны.
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя7
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары