Прэзідэнт Украіны Уладзімір Зяленскі паведаміў пра паспяховае правядзенне гуманітарнай аперацыі па эвакуацыі жыхароў часова акупаваных Алешак у Херсонскай вобласці. Усе эвакуяваныя грамадзяне Украіны ўжо перасяклі дзяржаўную мяжу і знаходзяцца на тэрыторыі краіны. Яны ўехалі ва Украіну з Беларусі праз Чарнігаўскую вобласць, паведамляе «Украінская праўда».
Для правядзення аперацыі ўдалося дамовіцца пра часовае спыненне агню на Херсонскім кірунку. За гэты час былі размініраваныя дарогі да Алешак, дастаўленыя гуманітарныя грузы і вывезеныя людзі, якія мелі патрэбу ў дапамозе, з самога горада і навакольнай тэрытарыяльнай грамады.
Зяленскі заявіў, што ўсім эвакуяваным будзе аказаная неабходная дапамога. Ён таксама выказаў спадзяванне, што гуманітарны доступ да Алешак застанецца магчымым, і заклікаў дзяржаўныя структуры і мясцовыя ўлады дапамагчы людзям адаптавацца пасля эвакуацыі.
Украінскі прэзідэнт падзякаваў ЗША і першай лэдзі Меланіі Трамп за пасярэдніцтва ў арганізацыі аперацыі, Сілам абароны Украіны — за гарантаванне бяспекі, а ўпаўнаважанаму Вярхоўнай Рады па правах чалавека Дзмітрыю Лубінцу і яго камандзе — за выкананне гуманітарнай місіі.
Эвакуяваная ў Гомель з Алешак жанчына пра ўкраінцаў і беларусаў: мы адзін народ
Самалёты з жыхарамі Алешак прызямліліся ў аэрапорце Гомеля
Меланія Трамп цяпер бліжэй да Нобелеўскай прэміі міру, чым яе муж — The Telegraph
Z-ваенкар: Ва Украіну з Алешак выязджаюць 17 аўтобусаў, у Расію — толькі 4
Украінская дэлегацыя прыбыла ў Алешкі, людзі плачуць ад шчасця
Каментары