Апошні фільм Рамана Палянскага
Палітычны дэтэктыў «Прывід» — трымценная прыпавесць пра таямніцы і дваістасць жыцця.
Вялікабрытанія — Нямеччына — Францыя, 2010, каляровы, 128 хв.
Рэжысёр: Раман Палянскі
Ролі выконваюць: Юэн МакГрэгар, Пірс Броснан, Кім Кэтрал, Алівія Ўільямз, Джэймс Белушы
Жанр: Камерны палітычны трылер
Адзнака: 7,5 (з 10)
Пісьменнікамі-прывідамі называюць людзей, якія пішуць за іншых кнігі. Жыццё «прывідаў» невядомае, уся слава — імёнам на вокладцы. Былы брытанскі прэм’ер Адам Лэнг наймае такога «літаратурнага негра», каб той завершыў ягоную біяграфію. Папярэдні пісьменнік загадкава патануў.
Сціплы прывід, які не мае ні сям’і, ні дзяцей — і палітыкай не цікавіцца трапляе ў вір палітычных канфліктаў.
Карціна — апошняя стужка Рамана Палянскага, які кіраваў мантажом з турэмнае камеры.
У палітычным трылеры «Прывід» вельмі рэдка страляюць. Галоўныя дэкарацыі абмяжоўваюцца самотнаю выспай і мінімаліскім будынкам-крэпасцю, за шыбамі якой заўжды дождж. Рэжысёр засяроджваецца на чыстым трымценні, калі загадкі абвальваюцца на чалавека, таямніцы зацягваюць і не адпускаюць, а сусветныя скандалы разыгрываюцца за кулісамі прыватнага дому.
Герой Юэна МакГрэгара, увязнены ў доме палітыка — сваяк «Піяніста» і свайго рэжысёра. Ён удзельнік знакавых падзей — насуперак уласнае волі.
На палітычнае — і жыццёвае сцэне ўсё не тое, чым вам здаецца.Пад кіраўніцтвам Рамана Палянскага простая, амаль плакатная палітычная гісторыя — сталася трымценнай прыпавесцю.
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1313
Каментары