Сёння дзень нараджэння Лукашэнкі, але ён яго памяняў на той самы з Міколкавым
Раней днём нараджэння лічылася 30 жніўня, ад мінулага года стала 31-га.
Раней днём нараджэння лічылася 30 жніўня, ад мінулага года стала 31-га.
Біяграфію Лукашэнкі падкарэктавалі.
31 жніўня 2010 года ў вечаровых навінах тэлеканалы паведамілі, што Аляксандр Лукашэнка і яго малодшы сын Мікалай адзначылі разам дзень нараджэння. Аказалася, што гэта не памылка журналістаў. Да ўчорашняга дня Аляксандр Лукашэнка прымаў віншаванні 30 жніўня, а ад 2010 года на афіцыйнай старонцы кіраўніка дзяржавы стала значыцца, што «нарадзіўся А.Р. Лукашэнка 31 жніўня 1954 года ў гарадскім пасёлку Копысь Аршанскага раёна Віцебскай вобласці».
Раней кіраўнікі замежных дзяржаваў віншавалі Аляксандра Лукашэнку з днём нараджэння менавіта 30 жніўня. Тую саму дату дае і «Беларуская энцыклапедыя».
Гэта не перашкодзіла супрацоўніку прэзідэнцкай прэс-службы ніштожа сумняшася адказаць : «Дата нараджэння прэзідэнта не змянялася. Хто вам сказаў, што яго дзень нараджэння 30 жніўня? Ён заўсёды быў 31 жніўня. І заўсёды ў біяграфіі на сайце кіраўніка дзяржавы была паказана менавіта гэтая дата».
Відаць, недарэчнасць такой «несазнанкі» камусьці стала відавочнаю. І, пазней, «крыніца ў Адміністрацыі кіраўніка дзяржавы» растлумачыла, што сутнасць у тым, што маці Аляксандра Лукашэнкі паступіла ў раддом 30 жніўня вечарам, але нарадзіла ў ноч з
«УІ нованароджанага запісалі на 30 жніўня, па даце паступлення парадзіхі ў раддом», — сказаў суразмоўца.50-я гады ў раддамах у сельскай мясцовасці, зразумела, ніхто з секундамерам не стаяў, і дакладны час нараджэння дзіцяці не адзначаўся.
«Ад таго, што прэзідэнт з прахалодай ставіцца да гэтага свята, ён не надаваў яму значэння да моманту нараджэння малодшага сына Мікалая, які з’явіўся на свет 31 жніўня, — адзначыла крыніца. — А пасля нараджэння Мікалая прэзідэнт пачаў цікавіцца ў маці падрабязнасцямі свайго з’яўлення на свет і высветліў, што фактычна адзначаць дзень нараджэння трэба 31 жніўня».
Каментары