У «Інстытуце глебазнаўства і аграхіміі» прымушаюць падпісвацца за Лукашэнку
Супрацоўнікам РУП «Інстытута глебазнаўства і аграхіміі» яшчэ тыдзень таму паведамілі, што не варта падпісвацца за іншых кандыдатаў акрамя Лукашэнкі. Першапачаткова гэта гучала як папярэджанне — вам жа лепей будзе, бо ўся інфармацыя па спісах потым ад ЦВК спусціцца да працадаўцаў.
Што канкрэтна будзе навукоўцам за такую правіннасць начальства не ўдакладняла, аднак правяраць не раілі.
Акрамя гэтага на тэрыторыі інстытута былі прыняты «перадвыбарчыя» меры. Узмацнілі ахову, пачалі сачыць, каб ніхто выпадковы не патрапіў на тэрыторыю інстытута, а таксама супрацоўнікам сталі адмаўляць у адпачынках і надзейней правяраць бальнічныя.
Сёння ў інстутуце дайшло нават да просьбаў — прыйдзіце з пашпартам да начальніка. Зноўку ніхто не пагражаў і не абяцаў звальненне за адмову, аднак зроблена ўсё ва ультыматыўнай форме: не хочаш ставіць подпіс за Лукашэнку — потым не кажы, што цябе не папярэджвалі. Пра гэтыя падзеі «Нашай Ніве» паведаміў адзін з супрацоўнікаў Інстытута, які пажадаў захаваць ананімнасць.
Лукашэнка па тэлебачанні заяўляе аб спыненні збору подпісаў і просіць падпісвацца людзей за яго апанентаў. Насамрэч, у гэты час прымусовы збор подпісаў і запалохванне людзей працягваецца. Ці то начальства «Інстытута глебазнаўства і аграхіміі» учора навіны не глядзела і яшчэ не ў курсе новай палітыкі, ці то Лукашэнка лукавіць і збіраецца дасягнуць 1 мільёну подпісаў за сваю кандыдатуру.
Цяпер чытаюць
«Быў галодны, як з Асвенціма, не еў ні мяса, ні гародніны». Што вядома пра смерць бабруйскага журналіста, на якога завялі крымінальную справу ў Польшчы1919
Каментары