Цёмныя гульні расейскіх ведзьмаў
Чэрці-спецназаўцы, Баба Яга ў хламідзе і процьма пантоў — у новай расейскай карціне.
Расея, 2010, каляровы, 100 хв.
Рэжысёр: Антон Мегердзічаў
Ролі выконваюць: Іван Жыдкоў, Святлана Іванава, Уладзімір Носік, Сяргей Угрумаў, Алена Панова, Ілья Аляксееў, Марыя Кажэўнікава, Ксенія Радчанка, Захар Кунгурэеў
Жанр: Містыка, фэнтэзі
Адзнака: 3 (з 10)
Студэнты-філолагі ў пошуках фальклору забраліся ў глыбокія лясы — і знайшлі муміфікаваную ведзьму. Самая цікаўная дакранулася да ведзьмы — і ў яе ўвайшла ведзьміна сіла. Цяпер за студэнтамі палюе чорны вядзьмар (і па сумяшчальніцтве міністр), які марыць ажывіць свайго гнюснага тату.
Сучасная расейская містыка — вельмі адмысловы жанр. Ягонае прызначэнне — забіваць час гледачоў і дэманстраваць «крутыя эфекты» памерлай імперыі. Пазычаная ў «Начной варты» мантажная няўцямнасць, дзікая сюжэтная мяшанка, дурацкія сацыяльныя спасылкі — і адсутнасць хоць нейкай цэласнасці.
У фільме ёсць паветраныя баі ведзьмаў і чарцей-спецназаўцаў (!), чорны дым, што трасфармуе целы, патапленне дзяўчынкі, намёкі на сэкс, Баба Яга ў белай хламідзе — і актор Уладзімір Носік у ролі прышыбленага прафесара філалогіі.
Усё гэта абцяжарвана натужлівай дэманстрацыяй кампутарных эфектаў, уплішчаных не да месца. «Цёмны свет» — містычная пустышка без усялякай, нават ведзьмінскай, душы.
Цяпер чытаюць
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ22
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3030
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»30
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Каментары