Удзельнік падзей 19 снежня Сяргей Паўлюкевіч распавёў пра спробу завербаваць яго.
Удзельнік падзей 19 снежня Сяргей Паўлюкевіч распавёў пра спробу завербаваць яго.
— На чацвёрты ці пяты дзень зняволення нас, прыблізна сем чалавек, павялі з камеры на допыт да следчых. Мы прабылі там каля паўтары гадзіны. Дапытвалі наконт плошчы. Калі мы вярнуліся ў камеру, то заўважылі, што нашы рэчы абшуквалі. Мы баяліся, што могуць што-небудзь падкінуць, а потым сказаць, маўляў, свеціць нам за гэта пару гадоў турмы. Абышлося. А праз хвілінаў дзесяць мяне выклікалі без рэчаў. Страшна было спачатку, бо я зразумеў, што вядуць да КДБістаў. Не памыліўся. Іх было двое ў пакоі.
«Ну всё, Сергей, ты попал. Ты знаешь, что возбуждено уголовное дело по факту госпереворота?» — пачалі яны. Але ў нас ужо была прэса праз перадачы, і мы ведалі, што заведзена крымінальная справа па факце «масавых беспарадкаў». Я паказаў сваю дасведчанасць.
«Вот когда я дам тебе по морде, разговор по-другому пойдёт».
Але не білі. Карацей круцілі-круцілі, а потым пачалі шантажаваць. Маўляў, ці гатовы я ў войску служыць. Пасля пачалі пагражаць, што КДБ можа стварыць мне і маёй сям’і праблемы, адлічыць мяне і маю сястру з універсітэта. А калі ўбачылі, што гэта не дзейнічае, загаварылі па-іншаму. Я запытаўся, што яны ад мяне хочуць. Каб я даў для БТ нейкае інтэрв’ю? Каб ілжэсведчыў супраць кандыдатаў?
«Мы заінтересованы в поіске інформаціі о Молодом Фронте, Літвінском клубе, Двіженіі будущего і другіх національно-оппозіціонных організаціях,
протів этой пятой колонны, кто іх фінансірует, кто іх реальная верхушка, чьі интересы они лоббіруют и т.д.» Я ім кажу: «Значыць, вы спрабуеце мяне завербаваць у свае інфрматары, каб я «внедрялся» ў падобныя арганізацыі і «стучал» на іх?» Яны адказалі: «В прінціпе, ты правильно понял». Я адразу адмовіўся. Яны кажуць: «Ну вот что тебе нужно, тебе деньги нужны? Сколько?» Прапаноўвалі дапамогу ў вырашэнні праблем на вучобе. Напрыклад, я тэлефаную ім і мне выкладчыкі паставяць любы залік і патрэбную адзнаку па экзамене. «Еслі тебя беспокоіт срок, то мы можем, напрімер, заключіть с тобой «сделку» сроком на 5 лет — в магістратуре, аспірантуре ещё поучішься,
а потом, еслі захочешь і здоровье позволіт, сможешь поработать некоторый срок в штате КГБ».
Я ўсё роўна адмовіўся. Мяне вывелі з пакоя. Але адзін з КДБістаў выйшаў за мной і спытаў, ці буду я каму расказваць аб нашай размове. Я пацвердзіў. «Неужелі вот так любому встречному на уліце раскажешь?» — «Так»…
Сяргей Паўлюкевіч за ўдзел у Плошчы быў асуджаны на дзесяць сутак адміністрацыйнага арышту. Пасля вызвалення ў яго на кватэры правялі ператрус, падчас якога забралі камп’ютар. Сяргей з’яўляецца адміністратарам суполкі «Мы за Вялікую Беларусь» на сайце vkontakte.ru. Навучаецца на юрыдычным факультэце БДУ.
Каментары