Службовая запіска МУС РБ Прэзідэнту РБ па падзеях 19 снежня
Фельетон.
Фельетон.
Прэзідэнту Рэспублікі Беларусь
Лукашэнку Аляксандру Рыгоравічу
міністра ўнутраных спраў
Куляшова Анатоля Нілавіча
запіска
Гэтым дакладваю, што па выніках апытання патэнцыйных удзельнікаў акцыі апазіцыі ў г. Мінску 19 сьнежня 2010 г. (каля ста тысяч чалавек), чые мабільныя тэлефоны (MTC, Velcom, Life) былі ў зоне прыёму сувязі ў раёне Кастрычніцкай плошчы і плошчы Незалежнасці
намі выяўлена:
У ГЦ «Сталіца» 19-га назіраўся анамальны наплыў выпадковых кліентаў, які перавысіў 50 тыс. чалавек у перыяд з 20.00 да самага закрыцця.
У гасцініцы «Мінск» павячэралі больш за 5000 чалавек у перыяд ад 20.00 да 23.00.
«Макдональдс» абслужыў больш за 300 тысяч грамадзян на працягу 3 гадзін.
Колькасць наведвальнікаў ГУМа ў гэты дзень здольна было абрынуць будынак пад вагай аматараў калядных распродажаў, але будынак, сканструяваны сталінскімі архітэктарамі, вытрымаў шматтысячны паток купцоў.
У кожнага апытанага ў кішэні было ад 3 да 17 тэлефонаў, выпадкова захопленых у сваіх жонак, бацькоў, сяброў і проста знаёмых.
Выснова: у акцыі на плошчы Незалежнасці ўзялі ўдзел 6 апазіцыйных кандыдатаў, 42 іх прыхільнікі, 163 журналісты, 726 разявак (амаль 100% былі затрыманыя і пакараныя адміністрацыйна), а таксама 12 000 работнікаў праваахоўных органаў.
Просім Вас падрыхтаваць загад аб фінансавым узнагароджанні следчых раённых органаў унутраных спраў за праведзеную працу і ануляваць план па раскрывальнасці крымінальных злачынстваў у студзені месяцы г.г. з прычыны поўнай занятасці вышэйапісаным пытаннем.
Міністр унутраных спраў Беларусі
Куляшоў
Каментары