Узмацненне марозу на гэтым тыдні ўяўляе небяспеку для азімых пасеваў на поўдні і захадзе Беларусі, дзе назіраецца недастатковае снежнае покрыва. Пра гэта паведамляецца на афіцыйным сайце рэспубліканскага Гідраметцэнтра.
Паводле інфармацыі сіноптыкаў, у сувязі з усталяваннем на тэрыторыі Беларусі вельмі халоднага надвор’я ўскладніліся аграметэаралагічныя ўмовы для перазімоўкі сельскагаспадарчых культур.
Паводле апошніх звестак, у Брэсцкай, на значнай тэрыторыі Гродзенскай і Гомельскай, у паўднёвай частцы Мінскай і ў
У сувязі з гэтым спецыялісты дэпартамента па гідраметэаралогіі правядуць дадатковыя назіранні за тэмпературай глебы на глыбіні вузла кушчэння азімых культур. Гэта дазволіць ацаніць небяспеку маразоў для пасеваў.
У паўночных, цэнтральных і ўсходніх раёнах пасля аслаблення маразоў будзе праведзена адгадоўванне галінак пладовых насаджэнняў. У гэтых раёнах назіраецца дастатковае снежнае покрыва, здольнае абараніць пасевы азімых ад уплыву нізкіх тэмператур, аднак тут магчымае пашкоджанне пупышак пладовых культур, перадусім нераяніраваных сартоў.
Цяпер чытаюць
Стаў вядомы дакладны адрас, па якім жыве Анжаліка Мельнікава ў Мінску44
Каментары