Свой сыход з
Старшыня Цэнтрвыбаркама Лідзія Ярмошына, мабыць, ніколі не забудзе эфір праграмы «Выбар» 19 снежня 2010 года. Свой сыход зток-шоу яна ўмудрылася назваць «абсалютна жаночым, матчыным учынкам».
Нагадаем, што ўвечары 19 снежня на канале АНТ разгулялася страшная драма. Вядоўца «Выбару» Сяргей Дарафееў дазволіў сабе — о жах! — задаваць нязручныя пытанні прадстаўнікам улады: напрыклад, чаму прадстаўнікам апазіцыі не дазволілі дзяжурыць ноччу на выбарчых участках разам з міліцыяй.
Лідзія Ярмошына, не прызвычаеная да такой дыскусіі, хуценька зматала вуды — ад граху падалей. А цяпер у інтэрв’ю часопісу Sexus старшыня ЦВК так пракаментавала гісторыю двухмесяцовай даўнасці:
— Я зрабіла як жанчына, як маці. Супрацоўнікі ЦВК — тыя ж дзеці, людзі, якія табе даверыліся. Хіба можа маці, ведаючы, што яе дзеці ў бядзе, спакойна дзесьці знаходзіцца?Так што гэта абсалютна жаночы, мацярынскі ўчынак. Не, вядоўца не раз’юшыў мяне. Але тое, што ён мяне дастаў за гэтую перадачу, магу сказаць адназначна.
Насамрэч такая заява з вуснаў Лідзіі Ярмошынай — гэта камплімент. Зрэшты, наўрад ці Сяргей Дарафееў імкнуўся яе «дастаць».
Проста пяшчотная ўразлівая сутнасць старшыні Цэнтрвыбаркама не вытрымлівае нават найменшых пытанняў «не ў масць».
Мінская настаўніца звольнілася са школы за 3 месяцы да канца адпрацоўкі. Колькі прыйшлося заплаціць?26
Каментары