Блогер просіць пры разглядзе касацыйнай скаргі на прысуд Ліхавіду праявіць мудрасць і міласэрнасць.
Блогер просіць пры разглядзе касацыйнай скаргі на прысуд Ліхавіду праявіць мудрасць і міласэрнасць.
Блогер Дзмітры Галко, які галадае 13-ы дзень, дабіваючыся вызвалення Мікіты Ліхавіда, даслаў ліст старшыні Мінскага гарадскога суда Валерыю Пуцілу. Тут будзе разгледжаная касацыйная скарга на прысуд Мікіту. Прыводзім ліст цалкам.
Спадар старшыня!
Знаходзячыся ў цвярозым розуме і цвёрдай памяці, 30 сакавіка гэтага года я абвясціў бестэрміновую галадоўку з мэтай прыцягнення ўвагі да лёсу Мікіты Ліхавіда, асуджанага судом Партызанскага раёна горада Мінска да 3,5 гадоў калоніі ўзмоцненага рэжыму па справе аб «масавых беспарадках» 19 снежня 2010 г.
Пайсці на гэты радыкальны крок мяне прымусіла перакананасць у тым, што падобнае пакаранне абуральна не адпавядае ступені віны і цяжару зробленага, з'яўляецца палітычна матываваным і спрыяе далейшаму нагнятанню канфлікту ў грамадстве.
Я прашу пры разглядзе касацыйнай скаргі на прысуд Мікіту Ліхавіду праявіць мудрасць і міласэрнасць. Гэты малады чалавек не здзяйсняў гвалту над асобай, не з'яўляецца грамадска небяспечным, акрамя таго, правёў за кратамі ўжо 3,5 месяца. Яго аднагодкі, грамадзяне РФ Іван Гапон і Арцём Брэус, якія праходзілі па той жа справе з тымі ж абвінавачваннямі і падобнай доказнай базай, былі вызваленыя з-пад варты. І цалкам справядліва. Не хацелася б думаць, што права на справядлівы і гуманны суд у Беларусі даступна толькі ўладальнікам расійскіх пашпартоў.
Прашу прыкласці гэта заяву да матэрыялаў справы.
Глядзі таксама: Будзімір. Дзённік галадоўшчыка
-
Цыганкоў: Бабарыка значна бліжэйшы да пазіцыі офіса Святланы Ціханоўскай, чым да выказванняў «бабарыканцаў»
-
Бабарыка турэмшчыкам: «У мяне было, цяпер няма, але ёсць шанец, што будзе. А ў вас не было, няма і не будзе. І ў вашых дзяцей не будзе»
-
«Мне казалі: ты гаворыш як канадскі эмігрант». Сяргей Шупа расказаў пра Вільню 90-х, параўнанне літоўскай літаратуры з беларускай і адрозненні паміж народамі
«Яна даўнавата ў Беларусі». Бацька Анжалікі Мельнікавай прызнаўся, што яна жывая і здаровая90
Каментары