У панядзелак выканаўчы камітэт УЕФА прыняў рашэнне аб вяртанні Федэрацыі футбола Босніі і Герцагавіны ў склад міжнароднай арганізацыі.
Рабочая група Саюза еўрапейскіх футбольных асацыяцый (УЕФА) па надзвычайных сітуацыях абвясціла аб адмене дыскваліфікацыі Футбольнай федэрацыі Босніі і Герцагавіны (ФФБГ), паведамляе football.by са спасылкай на прэс-службу УЕФА.
Адмена санкцый дазволіць зборнай Босніі і Герцагавіны працягнуць удзел у адборачным цыкле Еўра-2012, а футбалісты з гэтай краіны змогуць выступаць за свае клубы на міжнароднай арэне.
Нагадаем, што ФФБГ 1 красавіка была адхіленая ад удзелу ва ўсіх міжнародных турнірах за непадпарадкаванне патрабаванням УЕФА. У пачатку кастрычніка 2010 УЕФА падаў ФФБГ шасцімесячны тэрмін для прыняцця новага статута, паводле якога прэзідэнтам арганізацыі можа быць толькі адзін чалавек, а не тры (харват, серб і басніец). На галасаванні ў сакавіку баснійскай федэрацыяй было прынята рашэнне пакінуць існуючы парадак, што і стала прычынай санкцый.
Зборная Босніі з'яўляецца суперніцай Беларусі па адборачнай групе да чэмпіянату Еўропы - 2012. З Босніяй падапечныя Бернда Штанге будуць гуляць у верасні.
Цяпер чытаюць
Хто такі Мацвей Бяляй, якога нібыта дэпартавалі ў Беларусь? Расказваем гісторыю дзіўнага актывіста з падазроным мінулым6
Каментары