Сяргей Карпенка супрацоўнічае з незалежным тэлеканалам «Белсат»
Увечары 22 чэрвеня разам з жонкай ён выйшаў пагуляць у цэнтр Ліды, дзе ў гэты час праходзіла афіцыйнае мерапрыемства, прысвечанае пачатку Вялікай Айчыннай вайны. Побач спрабавалі сабрацца таксама ўдзельнікі акцыі «Рэвалюцыя праз сацыяльную сетку». Ім перашкаджалі міліцыянеры.
Як адзначыў пазней Сяргей Карпенка, за некалькі гадзінаў у акцыі спрабавалі паўдзельнічаць ад 100 да 150 чалавек.
— Мы пасядзелі, паслухалі, паглядзелі — нікога не чапаюць, — расказваў Сяргей у эфіры «Белсата». — Вырашылі прагуляцца і сустрэлі майго сябра, пачалі размаўляць
Са словаў Сяргея, ён хацеў аддаць жонцы барсетку, у якой былі ключы ад хаты і аўтамабіля, але міліцыянты загадалі паказаць, што ўнутры.
Калі журналіст адмовіўся, на яго начапілі наручнікі і пацягнулі да міліцэйскай машыны. Іншых затрыманых (меней за дзясятак чалавек) павялі ў аўтобус.
— Ужо побач з машынаю Сяргея пачалі збіваць два міліцыянты, — расказваюць супрацоўнікі «Белсата». — Ударылі па нырках, разбілі галаву. «Хуткую» выклікалі толькі ў міліцэйскім пастарунку, куды яго прывезлі. У барсетцы міліцыянты нічога падазронага не знайшлі. Ніякіх папераў Сяргей не падпісваў. Дактары сказалі, што трэба накласці швы. Да бліжэйшай медыцынскай установы пацярпеламу давялося ісці пешшу.
Каментары