У народных гуляннях у Віцебску ўзялі ўдзел 300 чалавек. Большай колькасці перашкодзіла вялікая залева, паведаміў Канстанцін Севярынец.
Напачатку людзі сталяі ў пераходзе, а потым рушылі пад навес перад вялікім 9-ціпавярховым домам, што стаіць на Плошчы.
Памятаючы пра словы Ігара Яўсеева, што па серадах пляскаць у далоні нельга, яны хітра выйшлі ў сітуацыі. Бачылі нібыта знаёмага і пачыналі пляскаць у далоні.
Акцыя была ачэплена спецназам, а таксама мясцовым партгаспактывам.
Абышлося без затрыманняў. Таксама К. Севярынец нагадаў, што ў Віцебску каля крыжа Ефрасінні Полацкай праходзяць традыцыйныя малітвы за палітвязняў.
***
У Віцебску плошча Перамогі ачэпленая па перыметры. Тут жа патрулююць амапаўцы і людзі ў цывільным, кожны з рацыяй. На плошчу нікога не пускаюць, але відаць, што за металічнымі загарадкамі не вядзецца падрыхтоўка да дыскатэкі, пра якую сёння паведамляла а 16-й гадзіне мясцовае тэлебачанне ў «бягучым радку» на экране тэлевізараў.
Ля плошчы Будаўнікоў ужо сабралася каля сотні маладзёнаў. Пакуль цяжка вызначыць, ці гэта ўдзельнікі акцыі, ці тыя, хто прыйшоў на абяцаную дыскатэку.
Каментары